Kumarpal Pratibodh

SR No.: 001873
Original Sutra Author: Somprabhacharya
Author: Jinvijay
Publisher: Central Library
Publication Year: 1920
Total Pages: 564
Language: Prakrit
Classification: Book_Devnagari, Story, & Literature
File Size: 11 MB

Page 476

३९९
प्रस्तावः ]
कोपविषये सिंह-व्याघ्र-कथा । किं ते बाहइ ? त्ति । तेण वुत्तं-जो न पर-दुक्खेण दुक्खिओ, न दुक्ख-विमुक्खण-खमोवा किं तस्स सीसइ। तीए वुत्तं-सुहय! दुक्खिया अहं तुह दुक्खेण, खेयरत्तणओ सव्व-दुक्ख-हरण-क्खमा य । ता कहसु निय-संताव-निमितं । सो जंपइ-जइ एवं ता सुण, जप्पभिइ सुयणु ! दिवासि ।
तप्पभिइ मज्झ पीडं मणम्मि मयणो कुणइ बाद ॥ तो जइ मह दुक्खेणं दुहिया सि, मणम्मि वसइ तुज्झ दया ।
तो परिणेऊण ममं मह जीविय-सामिणी होसु॥ कन्नगाए वुत्तं
किमजुत्तं, जओ जणओ वि मे वर-ऽन्नेसणथमित्थागओ, ता जाव मं अन्नस्स सो न देइ, ताव तुमं मए सयं चेव वरिओ सि त्ति । तओ स कंठाउ खित्ता वग्घस्स कंठे कुसुममाला । भणियं च, अहं ताव विजाहरी, तुमं पि मम पासाओ गिण्ह पढिय-सिद्धाओ विजाओ, जेण विज्जाहरोहोहिसि । गहियाउ तेण विजाउ, जाओ सो विजाहरो । विवाह-पउणो होसु त्ति भणंती निग्गया कन्नगा कयलीहराओ। खयरेणावि भणिओ सिंहो-कुमार ! रंजिओ हं तुह गीएण । ता भण किं ते पियं करेमि ? । सिंहेण वुत्तं-जं अहं मग्गेमि तं तुमए दायव्वं । खयरेण वुत्तं एवं । सिंहेण वुत्तं-ता देसु मे निय-धूयं । खयरेण वुत्तं मम मणो-गयं चेव मग्गियं तुमए । किं अणुचियं नागवल्लीए पूग-पायव-रोहणं। परं धूया मे विजाहरी, ता तुज्झ वि देमि पढिय-सिद्धाओ विजाओ जेण दुण्हं पि तुम्ह विजाहराणं अणुरूवो संबंधो होइ । गहियाओ विजाओ सिंहेण, गंतूण कहियं तेण पिउणो, मए खयर-कन्नगा लड त्ति। इओय तत्थ समागओ खयर पासं वग्घो। सिंह-भंतीए वग्घमुहिसिउं खयरेण भणिया धूया, वच्छे ! तुमं मए एयस्स दिन्न त्ति । तीए चिंतियं-अहो ! मे दिव्वमणुकूलं, जो चेव मए कयली-हरे वरिओ पिउणा वि तस्लेव अहं दिन्न त्ति । भणिओ तीए जणओ-ताय ! जणसु तुमं विवाह-सामग्गि । तओ तेण विहिओ विवाह-मंडवो। ठविया तत्थ अणेग-वयर-रामा-समेया कन्नगा। वग्घेणावि कहियं पिऊणं-मए वि खयर-कन्नगा लड त्ति । भणियं अणेहिं अहो ! अम्ह पुन-परिणई, जं जाया जुगवं दुवे देव-कुमारोवमा कुमरा । दोहि वि लद्धाओ जुगवं खयर-कन्नाओ । तओ तेहिं विवाहो-चियं विहिं काराविऊण उजाणमाणीया दो वि कुमारा । पुच्छिया य-का कन्नगा केण