Page Text
________________
३९८ कुमारपालप्रतिबोधे
[पञ्चमः सवो। दिन्नाई तेहिं नामाइं एकस्स सिंहो बीयस्स वग्यो त्ति । गया दो वि वुडिं। समए गहिय-कला-कलावा जाया जुव्वणाभिरामा।
ते दो विसरिस-वन्ना सरिस-पमाणा सरिच्छ-संठाणा । सरिच्छग-सद्द-चिट्टा बालत्तणओ वि संपन्ना ॥ उच्छंग-लालियाण वि पिउणो वि मुणंति ताणमविसेसं ।
किं पुण सेसा लोया, अह तत्थ वियंभिओ गिंभो॥ जहिं दुट्ठ-नरिंदु व सयलु भुवणु परिपीडइ तिव्व-करेहिं तवणु। जहिं दूहव-महिलय-जण समग्ग संतावइ सूयसरीर लग्ग ॥ जहिं तण्हा-तरलिय-पहि वहंत अणुसरहिं सरसए व जेव कंत । जहिं चंदणु चंदु-जलद्द-हारु सजणु व दिति आणंदु फारु॥ जहिं सेवहिं धारा-जंतु नीरु जण सिसि सनाइ कामिणि सरीरु। जहिं दक्खा-वाणिय पियहिं महुर गुरु-वयण नाइ भव-ताव-विहुर ॥ जहिं निय-निय-कड-कुसुम-जलेण""""सारसा व चंदण-जलेण । सिव्वंतउ तरुणिहि तरुणु लोउ संताव चत्तु पावइ पमोउ ॥
तत्थ गिंभे गया कीलत्थं उजाणं दो वि कुमारा। विविह-कीलाउ कुणंतो आढत्तो गीयं गाइडं सिंहो । वग्यो पुण पयट्टो पुप्फावचयं काउं । इत्यंतरे वेयड-पव्वयावयंस कणयपुर-नयर-वासी सुवेग-विजाहरो जरा-जुन्नो अञ्चतं मणहरं निय-कन्नगं अन्नन्न-विजाहरेहिं पत्थिज पि जुद्ध-भयेण तेसिं अदाऊण भू-गोयरस्स कस्स वि देमि त्ति तं वेत्तूण तत्थागओ । खणमित्तं सुयं तेहिं सिंहस्स गीयं । अहो गीय-कला-पगरिसो एस त्ति चिंतियं चित्ते । कन्नगा वि जणयाणुन्नाया पयहा गाइउं । तं सोउं चिंतियं सिंहेण ।
जं निरुवम-रूवाए इमीए अच्चंत-सुंदरो सदो। एक सुवन्नमन्नं सुरहिं तं संपयं जायं ॥ तह तीए अक्खित्तो सिंहो महुरेहिं रूव-सद्देहिं ।
जह छल-गवेसिणो वम्महस्स सर-गोयरं पत्तो ॥ वग्यो वि गीयं सोऊण लयंतरिओ कन्नगं पिच्छिउं पयहो । अक्खित्तो तीए ख्व-सद्देहिं मुत्तूण कुसुम-च्चयं कुसुम-सर-पर-वसो पविट्ठो कयली-हरं । कन्नगावि विरया गीयाओ पयहा उजाण-लच्छि पिच्छिउं । कह वि पत्ता कयलीहरे । दिट्ठो तत्थ तीए पल्लव-सत्थरे पत्थरे व्व रई अलहंतो दाह-दीहं नीससंतो वग्यो । जो मए दिट्टो गायंतो सो चेव एसो त्ति भणंतीए पुच्छिओ
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |