________________
प्रस्ताव
३९५
अतिथिसंविभागवते नरदेव-कथा । नरसिंहो च्चिय थक्को तत्थ हत्थि-कुंभ-स्थले लुढिओ॥ कड्डिय-करवालेणं मरह त्ति पयंपिओ कुमारेण । दंत-गहियंगुली तं नरसिंहो भणिउमाढत्तो॥ रक्ख मह जीवियं तुज्झ सेवगोऽहं खमेसु अवराहं । न पुणो काहं एवं जं हुंति खमा-परा गरुया ॥ तो कुमरेण विमुक्को नरसिंहो अप्पणो पुणो जम्मं । मन्नंतो परितुट्ठो को वन तूसइ वसण-विगमे ॥ करि-तुरय-रयण-कणया लंकाराईणि तेण दिन्नाई। गहिऊण पसन्न-मणो समागओ गयपुरं कुमरो॥ सोउं कुमार-चरियं परितुहा मंतिणो समग्गा वि । जाओ ढमणुराओ पियंकरीए कुमारम्मि ॥ परिणाविऊण परिचत्त-राय-वेसं पियंकरी कुमरो। रजम्मि परिदृविओ विहिओ य महूसवो नयरे ॥ कुलदेवयाइ भणियं मए वरं रायकन्नया-जुग्गं। पिच्छन्तीए दिह्रो नरदेवो एस राय-सुओ॥ मुणिणो अरन्न-पडियस्स मग्गं चुक्कस्स छुह-किलंतस्स। छुहिएण सयं ठाउं इमिणा जं भोयणं दिन्नं ॥ सत्तेण तेण तोसिय-मणाइ काउण वाहणं सिंहं । सत्तिं च सत्तु-विजए इमस्स रज्ज मए दिन्नं ॥ ता जो इमस्स आणं विलंघिही तस्स निग्गहं काहं । इय सयल-जण-समक्खं भणिऊण तिरोहिआ देवी॥ अप्पडिहय-प्पयावेण तेण परिपालियं चिरं रज्जं । पुव्वं पिजे न सिद्धा ते वि निवा साहिया तेण ॥ नयरे नयरे जिण-मंदिराई कारावियाई तुंगाई। सव्वत्थ वित्थरेणं जिण-रह-जत्ताउ विहियाओ॥ सम्माणिऊण सव्वो मुणीण भत्तिं कराविओ लोओ। संवेग-परिगएणं गुरु-पासे आगमो सुणिओ ॥ एवं गिहत्थ-धम्म काऊण समाहिणा मओ एसो। उप्पन्नो सुर-लोए तओ चुओ पाविही मोक्खं ।।
इति अतिथिदाने नरदेव-कथा ॥
Jain Education International
For Private & Personal Use Only
www.jainelibrary.org
