________________
कुमारपालप्रतिबोधे एवं नरिंद ! तुह अक्खियाई एयाइं बारस-वयाई । रन्ना भणियं भयवं ! अणुग्गहो मे कओ तुमए ॥ पंच-मह-व्वय-भारो धुवं गिरिंदो व्व दुव्वहो ताव । तं जे वहंति सम्मं ते दुक्कर-कारए वंदे ॥ ते विहु सलाहणिज्जा न कस्स परिमिय-परिग्गहा-ऽऽरंभा । सकंति पालिउं जे इमाइं बारस-वयाई पि ॥ गुरुणा भणियं आणंद-कामदेवाइणो पुरा जाया । जेहिं परिपालियाई इमाई सावय-वयाई दढं॥ इम्हि तु वर-गिहत्थो इहत्थि नामेण छड्डुओ सेट्ठी । परिमिय-परिग्गहो विहिय-पाव-वावार-परिहारो॥ जो अहिगय-नव-तत्तो संतोस-परो विवेय-रयण-निही । देव-गुरु-धम्म-कज्जेसु दिन्न-निय-भुय-विढत्त-धणो॥ सो अम्ह पाय-मूले पुव्वं पडिवन्जिऊण भावेण । बारस-वयाइं एयाई पालए निरइयाराई ॥ रन्ना भणियं एसो आसि धणडो त्ति मज्झ गोरव्वो। साहम्मिउ त्ति संपइ बंधु व्व विसेसओ जाओ ॥ अयवं ! अहं पि काहं सावय-धम्मस्स बारस-विहस्स। परिपालणे पयत्तं वसुहा-सामित्त-अणुरुवं ॥ तो गुरुणा वागरियं नरिंद ! तुममेव पुन्नवंतो सि । जो एरिसो वि सावय-वयाण परिपालणं कुणसि ॥ इय सोमप्पह-कहिए कुमार-निव-हेमचंद-पडिबडे । जिण-धम्म-प्पडिबोहे पत्थावो वन्निओ तुरिओ ॥ इत्याचार्यश्रीसोमप्रभविरचिते कुमारपालप्रतिबोधे
चतुर्थः प्रस्तावः ॥
-
-
Jain Education International
For Private & Personal Use Only
www.jainelibrary.org
