Page Text
________________
प्रस्तावः ]
अतिथिसंविभागवते नरदेव-कथा । ओ सव्वंगं रोमंचो। पया विसट्ट-कंदो-दल-सरिच्छा तिरिच्छं अच्छि-विच्छोहा। संजाया सज्झस-वस-खलंतक्खरा वाणी । भणिया रन्ना मंतिणो-एसो अम्ह संतिओ रायउत्तो। अहो ! इमस्स निरुवमो विकमो। लहुकय-सयल-सत्तं सत्तं । वियंभिय-भुवणच्छरियं चरियं । जं इमिणा मणुस्समित्तेण दमिऊण केसरी कओ वाहो व्व वाहणं । मंतीहि वुत्तं-देव ! एवं । ता इमस्स कीरउ महंतो पसाओ। तओ रन्ना दिन्नाई सुवन्नालंकार-पसत्थ-वत्थाईणि । वियरिया एक्कंगस्स वि कणग-लक्खं वित्ती।
__ इत्यंतरे तत्थागएण सावित्थी-सामिणो नरसिंहस्स रन्नो पुरिसेण दिमेयं सव्वं । चिंतियं च किं एस पत्थिवो इत्थी ?, जं एवं सिंहारूढं पुरिसंदखूण इमस्स वियंभिया मयण-वियारा । सम्मं निरूवंतेण दिलं थेव-थणुब्भवमणहरं रन्नो वच्छत्थलं । हुं निच्छिउं एसा कन्नगे त्ति । तओ गंतूण साहियं इमं नरसिंहस्स रन्नो। तेणावि सिक्खविऊण पेसिओ दूओ। सो आगओ गयपुरं । भणिया तेण मंतिणो पेसिओऽहं नरसिंहराएण, आणत्तं च तुम्ह एयं
पडिवजह मह सेवं दंड पट्ठवह हथि-हय-पमुहं । जइ जीविएण कजं रणसज्जा अन्नहा होह ॥ भणियं मंतीहि-तए राया पुत्तो त्ति इत्तियं कालं। दंडो न मग्गिओ संपयं [य] धूय त्ति मुणिऊण ॥ मगंतो दंड किं न लजसि निच्छियं पर-छलन्नेसी। ता न तुमं नरसिंहो नवरं नरसारमेओ सि ॥ तुज्झ न देमो दंडं तुह पासे किं तु मग्गिमो अम्हे । इय दूय ! कहसु सव्वं सिग्धं गंतूण निय-पहुणो ॥ तं सोउं सो कुविओ चलिओ चउरंग-बल-समूहेण । महिवीढमक्कमंतो पत्तो निय-देस-सीमंते ॥ तं सोउं जाव कुणंति मंतिणो कडग-गमण-संजुत्तिं । ता भणिया कुमरेणं किं तुम्हाणं किलेसेण ? ॥ एको वि अहं काहं समत्त-सत्तूण दप्प-निद्दलणं । पठ्ठवह मए य समं सामंते पेक्खगे कइ व॥ कुल-देवयाइ वयणं सरिओ दळूण सिंह-दमणं च । धुवमेस दिव्व-सत्ति क्ति निच्छिउं मंति-वग्गेण ॥
तत्तो तहेव विहियं कमेण कुमरो गओ अरि-समीवं । ५०-५१
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |