Page Text
________________
३९२
कुमारपालप्रतिबोधे
[चतुर्थः
रोगेण तेण राया नीओ निहणं तवो व्व कोवेण । संपजंति न जम्हा मणोरहा पुन्न-रहियाण ॥ देवीइ अत्थि गब्भे सुओ त्ति बुडीइ पालियं रज्ज। कइ वि दियहाई मइ-विजिय-तिअस-मंतीहिं मंतीहिं॥
जाया देवीए धूया, विसन्ना सा, धीरविया मंतीहिं । देवीए पुत्तो जाओ त्ति पयासिऊण धूयं चेव रजं कारविस्सामो। धरियव्वा तए इमा पुत्त-वेसेण । तओ कराविओ नयरे पुत्त-जम्मूसवो। कयं से पियंकरो त्ति नामं । सा य संपुन्न-चंद-सुंदर-मुही जाया जुव्वणा-ऽभिमुही । तं तारिसं दट्टण मंतीहिं अच्चिया अच्चुया नाम कुल-देवया । पच्चक्खी भूया सा विन्नत्ता मंतीहिं-देवि! दंसुसे कं पि पुरिसं । जं राय-धूयाए रज-लच्छीए य पई करेमो । अच्चुयाए भणियं
सीहु मेवि जु वाहिहइ, इक्कु वि जिणिहइ सित्तु ।
कुमरि पियंकरि देवि तसु, अप्पहु रज्जु समत्तु ॥ तओ तिरोहिया देवी । ठिओ स तत्थ नयरे बुद्रु-महिलाए मंदिरे कुमारो, पुत्तो त्ति पडिवन्नो तीए । करेइ सो पियंकरस्स रन्नो सेवं । अन्नया घय-गुल-संगए मंडए चित्तृण इंधणऽत्थं गओ अरन्नं । भुत्तु-कामेण पलोइयाउ दिसाउ । दिवो इओ तओ परिब्भमंतो साहू । गंतूण समीवं पणमिऊण पुच्छिओ सो-भयवं! किमेवं परिब्भमसि ? साहुणा वुत्तं-सत्थाओ परिभट्ठो मग्गं अयाणंतो एवं भमामि । चिंतियं कुमारेण-अहो! कहें, एसो महप्पा छुहिओ कत्थ भिक्खं पाविही? अहं पुण गिहं गओ भुंजिस्सामि । ता इमस्स मंडगे दाऊण करेमि कय-ऽत्थमप्पाणं ति सड्डा-वसुल्लसिय-रोमंचेण दिन्ना मुणिणो मंडगा । दसिओ मग्गो । गओ मुणी अन्नत्थ ।।
इओ य तन्नयरा-ऽऽसन्न-गिरि-निगुंज-गओ सीहो गो-महिस-माणुसाईणं उवद्दवं करेइ । तस्स वहत्थं हत्य-गहिय-सत्थं पयर्ट राय-साहणं । तं विद्दवंतो समागओ कुमारासन्नं केसरी । कुमारो वि सत्त-सारत्तणओ विज्जुक्खित्तकरणेण आरूढो सिंहस्स पिटं । वाम-करेण धरिऊण तं कन्नेसु वाहिउं पवत्तो। अहो ! अच्छरियं ति भणंतेहि दिठो साहण-भडेहि । तेण अणुगम्ममाणो पत्तो नयरं, गओ य रायउलं। सिंहा-ऽवलोयणुत्तत्थ-हत्थि-पारद्ध-हलबोलं तं कुमारं अमरं व मणोहरं पिक्खंतस्स रन्नो वियंभिओ अणुराओ। संपन्नं पंचसर-पसर-पर-वसं चित्तं । अलंकियं सेय-जल-बिंदु-संदोहेण नडालं । समुल्लसि
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |