Page Text
________________
प्रस्तावः] अतिथिसंविभागवते नरदेव-कथा ।
३९१ इउ अञ्चन्भुउ दिइ मई कंठि व लुल्लई काउ । कीइवि विरह-करालियहे उड्डाविय उवराउ ॥
तओ तेसिं तुह-चित्तेण कुमारेण दिना चउरो सुवन्न-लक्खा । मुणियमिणं रन्ना भणियं सकोवं ।
मुद्धत्तणेण कुमरो उचिया-णुचियं वियाणइ न किंचि । जं एवं विणिजुंजइ अचत्थं अस्थमत्थाणे ॥ सलहिज्जइ उचियं चिय वित्तं दितो नरो न उण बहयं । कस्स न उब्वेय-करो वरिसंतो जलहरो पउरं ॥
सुयमेयं कुमारेण । तओ मए कित्तियं दिन्नं । परं इतिएणाऽवि मइ कुविओ राया। ता किमित्थाऽवत्थाणेणं ति चिंतिऊण निसाए निग्गओ नयराओ एगागी कुमारो। परिब्भमंतेण तेण दिटो एगत्थ गामे अणेग-साहुसहिओ हिओवएस-परो परोक्यार-निरओ निरय-कूव-निवडत-जंतु-हत्थाऽवलंबो विमलबोहो नाम सूरी । तं पणमिऊण निविटो पुरओ कुमारो । पारद्धा धम्म-देसणा गुरुणा । दसियं संसारा-ऽसारत्तणं । कहियाइं अकय-सुकयाण नारय-तिरिय-दुक्खाइं । परूवियं निराबाहमक्खयं मोक्ख-सुक्खं । अक्खिओ तस्स साहणोवाओ साहु-धम्मो । संविग्ग-मणेण तेण भणियं-भयवं! अक्खमोऽहं इमं काउं । तओ कहिओ बारस-विहो सावग-धम्मो । पडिवन्नो सो कुमारेण, भणियं च-भयवं! हहा! मए इत्तियं कालं कओ कु-पत्तेसु वित्तव्वओ सपयं पुण नत्थि में किंचि जं देमि साहूणं । जइ पुण मज्झ किं पि संपजिही ता मए असण-वसण-सयणा-ऽऽसणोसहाइयं साहूणं दायव्वं । नवरं भोयण-समए समागयाणं साहूणं संविभागं काऊण भुत्तव्वं ति कओ निच्छओ । धन्नो त्ति पसंसिओ गुरुणा । कमेणाऽऽगओ गयपुरं ।
तत्थाऽऽसि निवो खेमंकरो त्ति कय-सयल-खोणि-तल-खेमो। तस्स सुतारादेवी देवि व्व पगिठ्ठ-रूव-धरा ॥ सो पुत्तस्स अभावाउ सुन्न-चित्तो तणं व रज पि । राया मन्नइ जम्हा जयं वि सुन्न अपुत्तस्स ॥ अह देवीए गम्भो जाओ तत्तो नीवो गओ तोस । को वा न तूसए चिंतिय-ऽत्थ-संभावणाए वि?॥ देवीइ पसव-मासे संपन्ने निवइणो समुप्पन्नो। पुव्व-कय-कम्म-वसओ वाही सव्वोसहा-ऽसज्झो ॥
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |