________________
कुमारपालप्रतिबोधे
[चतुर्यः साहूण संविभागो जो कीरइ भत्त-पाण-पमुहेहिं । तं अतिहि-संविभागं तुरियं सिक्खावयं बिंति ॥ जो अतिहि-संविभागं परिपालइ पवर-सत्त-संजुत्तो। नरदेवो व्व सउन्नो इहाऽवि सो लहइ कल्लाणं ॥
तं जहा-इहेव जंबुद्दीवे भारहे वासे विसिह-सुर-भवण-सुव्वंत-असंखसंख-सदं संखउरं नयरं । जत्थ पयडिय-पओसाओ जामिणीओनकामिणीओ। कट्ठ-सज्झा लोयाणं रहा न मणोरहा । अणीइ-जुत्ताई खित्ताई न स-प्पुरिसचरित्ताई। अलया-लंकियाई रमणी-आणणाई न काणणाई। तत्थ पबल-परबल-जलहि-निम्महण-मंदरो पडिवक्ख-कामिणि-कुटुंब-संकडीय-सयल-सेल-केदरो पुरंदरो राया। तस्स भाया निरुवान-रूवाइ-गुण-निज्जिय-नरदेवो नरदेवो नामा । सो पयईए उदारो अस्थि-सत्थस्स अच्चत्थं अत्थं देइ । अन्नया पडिहारेण विन्नत्तो-कुमार ! दुवारे सरस्सई-कुटुंबं तुमं दहुमणं चिट्ठइ । विम्हिय-मणेण कुमारेण वुत्तं-सिग्धं पवेसेहि । पवेसियं तेण, तं निविटं पुरओ। कुमारेण पुच्छिओ मूल-पुरिसो-कत्तो तुम ? । तेण वुत्तं-देसंतराउ गुण-विसेस-जाणगं तुमं सोऊण आगओ अहं, एसो मे पुत्तो, एसा मे भजा, इमा पुण पुत्त-पत्ती, चत्तारि वि कइणो । कुमारेण वुत्तं-जह एवं ता " असारात्सारमुडरेत्” इति समस्सं पूरेसु । पुरिसेण परिभाविऊण भणियं
दानं वित्तादृतं वाचः कीर्तिधम्मौ तथाऽऽयुषः । परोपकरणं कायादसारात्सारमुद्धरेत् ॥ कुमारेण वुत्तो पुत्तो-" गृह्यतां जन्मनः फलं " इति तुमं पूरेसु। तेण भणियंदेवभक्त्या गुरूपास्त्या सर्वसत्त्वानुकम्पया।
सत्सङ्गत्याऽऽगमश्रुत्या गृह्यतां जन्मनः फलम् ॥ भणिया पुत्त-माया-"कवणु पियावउं खीरुत्ति तुमं पूरेसु । तीए वुत्तं
रावणु जायउ जहिं दियहि दह-मुह एक-सरीरु। चिंताविय तइयहिं जणणि कवणु पियावउं खीरु॥ पुत्त-घरिणी भणिया-" कंठि व लुल्लई काउ"त्ति तुमं पूरेसु। तीए पढियं
Jain Education International
For Private & Personal Use Only
www.jainelibrary.org
