________________
कुमारपालप्रतिबोधे
[ चतुर्थःएवं किलेसिओ जं तुमं मए खमसु तं राय !॥ रन्ना भणियं एसो मज्झ किलेसो वि कुणइ परिओसं । जत्थ मए जिण-धम्मो ति-लोय-चिंतामणी पत्तो॥ खिविऊण अह अरन्ने तुमए लंघाविओ ह्मि भवरन्नं । धम्म-पडिवजणेणं ता उवयारी तुमं मज्झ ॥ इय सोऊण सुरेणं मुणिंद-पय-पंकए कय-पणामो। नेऊण कंचणपुरे मुक्को निय-मंदिरे राया ॥ कय-सव्व-जणा-ऽऽणंदो जिणिंद-पूया-परायणो राया। मुणि-पज्जुवासण-परो परमा-ऽऽगम-सवण-विहिय-मणो । रह-जत्ता-कयजत्तो समत्त-सत्ता-ऽभयं पयासंतो। पव्वेसु पोसह-वयं पडिवजंतो गमइ कालं ॥ अन्न-दिणे रयणीए जाओ अंतेउरम्मि अकंदो । तं सोऊण निवेणं पयंपियं हा ! किमेयं ति?॥ कहियं पडिहारीए संपइ अंतेउरम्मि तुह देव !। एको पुरिसो पत्तो कत्तो वि अतक्किया-ऽऽगमणो ॥ हा ! पाणनाह ! मं रक्ख रक्खसेणं अणेण णिज्जतिं । इय विलवंतिं देविं गहिऊण सो गओ गयणे॥ तं सोऊण नरिंदो अकंड-कंड-प्पहार-विहुरु व्व । मुच्छा-निमीलिय-ऽच्छो धस त्ति धरणी-यले पडिओ ॥ अकंद-परेणं परियणेण सिसिरोवयार-करणेण । सत्थीकओ नरिंदो आढत्तो विलविउं एवं ॥ हा! चंद-वयणि! हा! अमय-वयणि! हा! कमल-नयणि! देवि! तुमं । हा! हंस-गमणि हा ! रमणि-मउलि-मणि ! कत्थ दीसिहिसि ? ॥ जह मालईइ विरहे भमरो जह कमलिणीइ कलहंसो। पावइ न कहिं पि रई तह तुह विरहे अहं देवि ! ॥ बंदीहिं पढिजंतं खोणी-रक्खण-खमं पि बाहु-बलं । सोउं अहं न सक्को जस्सेवं हीरइ कलत्तं ॥ विरहे सिरिकताए अकंतो तह निवो विसाएण । जह सुख-दुक्ख-निसि-दिवस-छुहा-पिवासाउ न मुणेइ ॥ परिचत्त-रज-कज्जो निरुद्ध-नीसेस-काय-वावारो।
Jain Education International
For Private & Personal Use Only
www.jainelibrary.org
