________________
प्रस्ताव: ]
पौषधव्रते रणसूर- कथा |
दिट्ठो सहयार-तले तवो व्व मुत्तो मुणी एक्को ॥ नमिऊण भत्ति-पुव्वं रन्ना विम्हिय-मणेण सो भणिओ । भयवं ! तुह तिहुयण- लोय- लोयणा-ऽऽणंदणं रूवं ॥ ता किं तुमं पवन्नो दिक्खं नव-जोव्वणं विवहंतो ? | किं वा सुण्णमरण्णं एगागी सेवसे एवं ? ॥ मुणिणा भणियं मुणिउं असासयं रूव-जोव्वण-प्पमुहं । धन्ना गिण्हंति वयं भव-ऽन्नवोत्तारण- तरंडं ॥ सुहि-सयण वग्ग - मज्झे निवसंतस्स वि न होइ मणुअस्स । केणावि परित्ताणं मरणम्मि उवट्टिए संते ॥ तुह एयं पच्चक्खं भडेण इमिणा हढेण धिप्पंते । सुहि-सयण- परियणेहिं न रक्खिओ जं नरिंद ! तुमं ॥ भणियं रन्ना भयवं ! दिव्व-न्नाणी तुमं तओ कहसु । किं इत्थ अहं खित्तो निक्कारण-वेरिणा तेण ॥ मुणिणा भणियं सुहडो न वेरिओ तुज्झ किं तु उवयारी । पंचम - कप्प-निवासी एसो अमियप्पिओ देवो ॥
मह पणमण - Sत्थमित्थाऽऽगएण एएण पुच्छिओ म्हि अयं । को मइ चवियम्मि सुरो मज्झ विमाणम्मि होहि त ? ॥ नाणेण मए कहिओ तुमं विमाणम्मि तम्मि भावि - सुरो । तुममुद्दिसियं देवेण पुच्छिओ हं पुणो वि इमं ॥ भयवं ! किं जिणधम्मं सो कुणइ न वत्ति तो मए कहियं । तुमए इह आणीओ गिहिहिइ गिहत्थ-धम्मं सो ॥ इय सोऊण सुरेणं अप्पाणं पयडिडं पयंड-भडं । सुहडे सहानिसन्ने य थंभिडं तुममिहाणीओ ॥ ता जिणधम्मं पडिवज्जिऊण पालसु तुमं महाराय ! | जेण परलोय - पत्तो कल्लाण-परंपरं लहसि ॥ इय मुणि-वयणं सोउं पडिवन्नं सावगत्तणं रन्ना संवेग - माणसेणं एसो य अभिग्गहो गहिओ ॥ अट्ठमि - चउद्दसीसुं कायव्वं पोसहं निसासु मए । तं पुण न पारियव्वं न जाव सूरुग्गमो होइ ॥ अह पच्चक्खीहोउं भणियं अमयप्पियेण देवेण ।
Jain Education International
For Private & Personal Use Only
३८५
www.jainelibrary.org
