________________
[ चतुर्वः
कुमारपालप्रतिबोधे अह हस्थि-तुरय-रह-सुहड-संतियं तुज्झ अस्थि सामत्थं । ता तं पयडेसु तुमं जेण खणं तं पि पेक्खेमि ॥ इय मुणिऊण निवेणं तस्स वहत्थं भडा समाइट्ठा । न निसामियं इमेहिं चित्तंगएहिं व निव-वयणं । लिप्प-घडिय व्व लिहिय व्व जाय-निद व्व मन्ज-मत्त व्व । आइटा वि निवेणं ठिया भडा निचला सव्वे ॥ तो रोस-परवसेणं नरवइणा कडिओ नियय-खग्गो। तस्स भडस्स वहत्थं हत्थाओ निवडिओ सो वि ॥
कुविय कयंत-कडक्खियस्स खिविऊण दसंगुलीउ वयणम्मि (2)। चलणेसु मज्झ लग्गेसु तुमं जइ जीवियं महसि ॥ जं पुण कड्डसि खग्गं तस्स फलं पावसु त्ति भणिऊण । केसेसु निवं गहियं झत्ति गयणं गतो सुहडो॥ जोयण-सयाइं नेऊण पंच तिरियं अरन्नमज्झम्मि । मुको सुहडेण निवो सयं तु कत्थ विगतो एसो॥ तो चिंति पवत्तो राया दुव्विलसियं अहह ! विहिणो । सा कत्थ राय-लच्छी मज्झ सा कत्थ य अवस्था ? ॥ सुविणे विजं न दीसइ जं चिंतिजइ मणे विन कयावि । सुहमसुहं वा पुरिसस्स दंसए तं विही सव्वं ॥ न तहा दुहावए मं धण-परियण-सयण-रज-विद्धंसो। सिरिकंता-देवीए विरहो जह दूमइ मणं मे ॥ देवीए विरहिओ अहं खणं पि न खमामि जीवियं धरिउं । देवी वि मज्झ विरहे मरणं पत्त त्ति तक्केमि ॥ ता किं मरण-कएऽहं पडामि तुंगाओ सेल-सिंगाओ। जाला-कराल-भीमे किं वा जलणम्मि पविसामि ॥ किं वा तरु-साहाए पासं कंठम्मि अप्पणो देमि । गहिरम्मि नई-तीरे किं वा देहं पवाहेमि ॥ अह वा काउरिसोऽहं जो मरण-मणोरहे करेमि मणे । जं दुस्सहे वि वसणे धीर चिय हुंति सप्पुरिसा ॥
इय चिंतिऊण रन्नाऽरन्ने चंकम्मिउं पयट्टेण । १ अत्र कियान् पाठन टितः प्रतीयते ।
Jain Education International
For Private & Personal Use Only
www.jainelibrary.org
