________________
__ ३८३
३८३
प्रस्तावः]
पौषषव्रते रणसूर-कथा । तप्पभिहं जिणधम्म काऊण चिरं विसुद्ध-भाव-जुओ। सग्गापवग्ग-सुक्खं कमेण पवणंजओ लहिही ॥
इति देशावकासिकव्रते पवनंजयकथा ॥
आहार-देह-भूसण-अबंभ-वावार-चाय-रूवं जं। पव्वेसु पोसहं तं तइयं सिक्खा-वयं बिंति ॥ अमि-चउद्दसी-पमुह-पव्व-दियहेसु जो कुणइ एयं । पावइ उभय-भवेसुं सो रणसूरु व्व कल्लाणं ॥ अत्थिऽत्थ जंबुदीवे भारहवासम्मि मज्झिमे खंडे । महि-महिलाए कंचण-कंची कंचणपुरी नयरी ॥ जीए पायारं पक्खिणो वि न खमंति लंघिउं तुंगं । तल्लंघण-कय-कंखा हुंति विलक्खा खलु विपक्खा ॥ तत्थ नरिंदो अमराउरीइ इंदो व्व आसि रणस्तूरो। जस्स पयावेण हया अरिणो गिरिणो व्व बजेण ॥ तस्स मणे मणिमय-दप्पणे व्व विमले सया वि संकता । सिरिकंता नाम पिया सयलंतेउर-तिलय-तुल्ला ॥ तीए अणन्न-सरिसं ख्वं दटुं कोउहल-वसेण । सग्गठिया वि तियसा अणमिस-नयणा धुवं जाया ॥ तव्वयण-दंसणं चिय राया रजं पि मुणइ सग्गं व । तस्विरहे पुण एसो मन्नइ नरयं व रज्ज पि ॥ अह अन्न-दिणे अत्थाण-मंडवे जाव चिट्ठइ नरिंदो। उन्भड-भड-परियरिओ तारय-सहिओ ससहरु व्व ॥ कत्तो वि ताव पत्तो कराल-करवाल-खेडय-सणाहो। निब्भय-भयंकरो भिउडि-भीम-भालो भडो एक्को ॥ अत्थाण-मंडवत्थं भड-सत्थं पिच्छिउं अवनाए । दंसिय-अणन्न-दप्पो रायाणं भणिउमाढत्तो ॥ किं न कुणसि जिणधम्मं विसए च्चिय सेवसे विगय-संको। किं निय-बल-दप्पेणं मनु-भडाणं न बीहेसि ॥ ता अच्छं तु जम-भडा सुरासुराणं पि दप्प-दलणा जे । एक्केण मए वि समं जुज्झसु जइ अत्थि बाहु-बलं ॥
Jain Education International
For Private & Personal Use Only
www.jainelibrary.org
