________________
३८२ · कुमारपालप्रतिबोधे
[चतुर्थः वि गरुया-ऽमरिसो तस्स मारणोवाए चिंतेइ । अन्नया चाउम्मासियदिणे पडिवन्न-पोसहेण जंपिओ पिउणा पवणंजओ-वच्छ ! तुमं पि कुणसुपोसहं । पुत्तेण वुत्तं-ताय ! न सकेमि किं पिकाउं। पिउणा भणियं-तहा वि गेहबाहिं गमणं वजिऊण कुणसु देसावगासियं। अणिच्छंतेणाऽवि तह त्ति कयं जणयाणुवत्तीए । पिउ-पासे चिटुंतस्स आगओ गेहदासी-सुओ सेहरओ । तेण भणियं भो ! पवणंजय ! सहस्सक्खेण इंदियालिएण महायणस्स पुरओ पारडमिंदयालं । तत्थ तुहाऽऽहवणत्थं महायण-पेसिओ पुरिसो आगओ त्ति । पडिवन्न-देसावगासिएणपवणंजएणअदिन्न-पच्चुत्तरे भणिओ सो सिट्टिणीए
पवणंजय-नेवत्थं का सेहरय ! वच्छ ! गच्छ तुम। तुममेव जणो सरिसत्तणेण पवणंजयं मुणिही ॥ सो वि हु तहेव काउं गंतूण महायणस्स मज्झम्मि । उवविठ्ठो रयणीए पेक्वणयं दद्दमाढत्तो ॥ अह पुव्व-वेर-विवसेण दुविह-तम-रुद्ध-दिष्टि-पसरेण । छुरियाइ सेहरो सागरेण पवणंजओ त्ति हओ ॥ अहह ! ! पवणंजओ मारिउ त्ति लोयाण कलयलो जाओ। इयरो पुण संखुडो न सकिओ नासि सहसा ॥ तलवर-भडेहिं रुद्धो खित्तो गुत्तीइ निवइ-वयणेण । केणवि नरेण सिहं सिहिस्स धणंजयस्स इमं ॥ तं वुत्तंतं सोउं विसन्न-चित्तेण सिट्टिणा भणियं । हा ! ! सागरेण निहओ सेहरओ ताव मूढेण ॥ अह लहिही वराओ विणासमेसो वि दिन्नसेहि-सुओ। पवणंजएण वोत्तं मोयाविस्सामि ताय! मिणं ।। सो तेण धणं रन्नो दाउं मोयाविओ पहायम्मि । पवणंजओ जणेणं पसंसिओ सुकयकारि त्ति ।। सो पिउणा संलत्तो जुत्तं जं मोइओ इमो तुमए । अवयारिम्मि वि करुणा कज त्ति जिणेहिं जं कहियं ॥ अवयारयम्मि निहए सव्वा वि सक्कहा-निहणं होइ। उवयारमारिए पुण तम्मि चिरं चिट्ठए एसा ॥ पवणंजओ न पत्तो निहणं देसावगासियं काउं। इहरा सेहरयस्स व तस्स अणत्थो इमो होजा ॥
Jain Education International
For Private & Personal Use Only
www.jainelibrary.org
