Page Text
________________
३८१
प्रस्तावः]
देशावकासिकवते पवनंजय-कथा । पत्तो य सत्यवाहो परं पमोयं कयत्थो त्ति ॥ कइवय-दिणाऽवसाणे संजाया सीस-वेयणा तस्स । तो निच्छियं अणेणं आसन्नं अप्पणो मरणं ॥ धण-कणय-रयण-पमुहं परिग्गहं अप्पिऊण सव्वं सो। पवणंजओ अणेणं सप्पणयं जंपिओ एवं ॥ वच्छ ! तुह किच्च-कहणं धवलीकरणं ससिस्स व अजोत्तं । तह वि गुरु-नेह-विवसो भणामि तुहमवहिओ सुणसु ॥ घरलच्छीए सहिया समप्पिया तुह मए[इमा]धूया। ता वहिज इमीए तहा जहा संभरइ न ममं ॥ थेव-दिणाई थिरोऽहं जं जमदूइ व्व दुस्सहा मज्झ । जाया सिरम्मि वियणा भणियं पवणं जएणेवं ॥ ताय ! किमेवं तुममाउलो सि तुह झत्ति वाहि-विडंसं । काहामि ओसहेहिं विसिट्ठ-विज्जोवइडेहिं ॥ लच्छीहरेण भणियं धम्मो चिय वच्छ ! ओसहं इम्हि ।
जं सक्को वि न सका तुझंतं संधियं जीयं ॥
तत्तो सो समए[कय]निय-कुलो-चियंत-किच्चो पत्तो पंचत्तं । कयं से सोगनि-भरेण पवणंजएण पारलोइयं कम्मं । कह वि निवारिया रुयंती समो गमियाई तत्थेव कइ वि दिणाई। गहिऊण उचियाई कयाणयाई कहिऊण पुव्व-वइयरं मणोरमाए चलिओ निय-देसं। मग्ग-नगरेसु ववहारेण तेण अज्जियाउ दुन्नि सुवन्न-कोडीओ । पत्तो सो निय-नयरं । आणंदिय-सयणो पविट्ठो तत्थ । वित्थरेण अणदिणाई दिन्नाणिवारियदाणो(?)सलहिओ रायाइ-लोएण । सागरो वि गओ उत्तर-दिसं । अत्थं विणा न सकए अत्थमुवजिउं । तहाविमहाकडेण अजिया पंच दीणार-सहस्सा । आसन्ना मयण-तेरसि त्ति सहायसंगतो आगतो निय-नगर-नियड-गामे । निसाए सुत्तस्स तस्स सव्वस्सं गहिऊण पलाणा सहाया। विउद्धो सागरो चरम-जामे । हा ! मुट्ठो सहाएहिं ति विसन्नो चित्तेण, पवणंजओ वि एवमागतो भविस्सइ त्ति पविजे(हो?) लजंतो वि निसाए वि नियघरं । नाय-वुत्तंतेण भणिओ जणगाइणा-रहस-कयकजस्स एरिसो चेव विवागो त्ति । आणाविओ सागरेण गोउराओ रहो । हसिओ सो जणेण । गरुयाण चडण-पडणं ति थिरीकओ पिउणा। पवणंजओ वि सव्वस्थ गिजंतगुणो अखलिय-रहो भमिओ मयणूसवे ।गमेइ कालं सुहेण। सागरो.
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |