________________
३८०
कुमारपालप्रतिबोधे
अविभावि मुक्क- कमो महीइ खलिऊण निवडतो ॥ पवणंजण धरिओ दक्खत्तणओ दया- परिगएण । पवणंजओ य हिद्वेण तेण नीओ नियावासं ॥ भुंजाविऊण भणिओ पवणंजय ! वच्छ ! मज्झ धूयाए । भुवणभुय भूयाए घर-लच्छीए य होसु पई ॥ पवर्णजएण वृत्तं जुत्तमिणं किं तु अमुणिय - कुलस्स । किं देसि मज्झ धूर्य कहं च जाणामि से णामं ॥ सो जंपिडं पवतो - अस्थि मही-रमणि रयण-कंचीए । कंचीपुरीइ लच्छीहरो त्ति नामेण सत्थाहो ॥ अट्ठ-दस-कणय- कोडीण नायगो णेग-लोय- उबयारी । अह तस्स घरे पत्तो बंभु त्तिनिमित्तिओ पवरो ॥ सम्माणेउं सो तेण पुच्छिओ निच्छिऊण भो ! कहसु । नेमित्तिय ! मह आउं अओ परं कित्तियं कालं ? ॥ होही मह धूयाए मणोरमाए इमीइ को भत्ता ? | मज्झ अपुत्तस्स इमा घर-लच्छी कं व अणुसरिही ? ॥ वृत्तं निमित्तिणा भद्द ! जीवियं जाव तुज्झ छम्मासा । अंते सत्त दिणाई तिव्वा सिर-वेयणा होही ॥
धूया कमल-दलच्छी तुह घर-लच्छी य सुकय- केलि-गिहं । वइदेसियमणुसरिही पुरिसं पवर्णजयं नाम ॥
सो यतए नायव्वो सप्पुरिसो पंच- जोयणंतरिए । तित्थम्मि पुंडरीए गएण जक्खस जत्ताए ॥ जो खलिऊण पडतं तुमं धरिस्सइ इमो धुवं सोति । तं सोऊण विसज्जिय-निमित्तिणा चितियं तेण ॥ हा ! विरसो संसारो जीवाण तरंग-भंगुरं जीयं । तो जामि तत्थ तित्थे जाव न वच्चामि मच्चु मुहं ॥ अन्नह हरिही राया घरसारं इय विणिच्छिउं चित्ते । सो इह तिथे पत्तो वेत्तुं सव्वं पि नियविभवं ॥ एसो सोऽहं खलिऊण निवडमाणो य रक्खिओ तुमए । ता मह धूयं परिणेसु गेह-लच्छिं वि गिण्हेसु ॥ तो तेण सुह-मुहुत्ते मणोरमाए कयं कर-ग्गहणं ।
Jain Education International
For Private & Personal Use Only
[ चतुर्थ:
www.jainelibrary.org
