________________
पृष्ठ २२.
कुमारपालस्य हेमचन्द्रसूरिपाचे गमनम् । हेम-समच्छवि-देहो चंदो व्व जणाण जणिय-आणंदो। तत्तो इमो पसिद्धो नामेणं हेमचंदो त्ति ॥ निश्चं सहावउ च्चिय समग्ग-लोओवयार-कय-चित्तो। सो देवयाइ वुत्तो विहरंतो विविह-देसेसु ॥ गुज्जर-विसयं मुत्तुं मा कुणसु विहारमन्न-देसेसु । . काहिसि परोवयारं जेणित्थ ठिओ तुमं गरुयं ॥ तो तीए वयणेणं देसंतर-विहरणाउ विणियत्तो। चिट्ठइ इहेव एसो पडिबोहंतो भविय-वगं ॥ बुह-यण-चूडामणिणो भुवण-पसिद्धस्स सिद्धरायस्स । संसय-पएसु सव्वेसु पुच्छणिज्जो इमो जाओ। एअस्स देसणं निसुणिऊण मिच्छत्त-मोहिय-मई वि । जयसिंहो निवो जाओ जिणिंद-धम्माणुरत्त-मणो ।। तत्तो तेणित्थ पुरे राय-विहारो कराविओ रम्मो । चउ-जिणपडिम-समिद्धो सिद्धविहारो य सिद्धिपुरे ।। जयसिंहदेव-वयणा निम्मियं सिद्धहेम-वागरणं । नीसेस-सह-लक्खण-निहाणमिमिणा मुणिंदेण ।। अमओ-वमेय-वाणी-विसालमेयं अपिच्छमाणस्स । आसि खणं पि न तित्ती चित्ते जयसिंहदेवस्स ।। तो जइ तुमं पि वंछसि धम्म-सरूवं जहट्ठियं नाउं । तो मुणिपुंगव-मेयं पुच्छसु होऊण भत्ति-परो ।
इय सम्मं धम्म-सरूव-साहगो साहिओ अमञ्चेणं । कुमारपालस्य तो हेमचंदसूरि कुमर-नरिंदो नमइ निच्चं ॥ हेमचन्द्रसूरि- सम्मं धम्म-सरूवं तस्स समीवंमि पुच्छए राया। पार्श्वे गमनम्। मुणिय-सयलागमत्थो मुणि-नाहो जंपए एवं ।। हेमचन्द्रसूरेः भव-सिंधु-तरी-तुलं महल्ल-कल्लाण-वल्लि-जलकुल्लं । कुमारपालं प्रति कय-सयल-सुह-समुदयं जीवदयं चिय मुणसु धम्मं ।। सद्बोधः। आउं दीहमरोगमंगमसमं रूवं पगिटुं बलं,
सोहग्गं तिजगुत्तमं निरुवमो भोगो जसो निम्मलो । आएसेक्क-परायणो परियणो लच्छी अविच्छेइणी,
होज्जा तस्स भवंतरे कुणइ जो जीवाणुकंपं नरो ।। नरयपुर-सरल-सरणी अवाय-संघाय-वग्घ-वण-धरणी। नीसेस-दुक्ख-जणणी हिंसा जीवाण सुह-हणणी ॥ जो कुणइ परस्स दुहं पावइ तं चेव अणंतगुणं ।
पृष्ठ २३.
Jain Education International
For Private & Personal Use Only
www.jainelibrary.org
