________________
कुमारपालप्रतिबोध-सङ्केपः ।
पृष्ठ २१.
अन्नत्थ महारामे मणाभिरामे इमो पत्तो॥ छायाए पल्लवेहिं कुसुमेहिं फलेहिं तत्थ पवरेहिं । बहुय-जणाणं एसो उवयारं काउमाढत्तो॥ गब्भगए वि इमस्सि इह देसे नट्ठमसिव-नामं पि। तह अणभिन्नो जाओ लोओ दुभिक्ख-दुक्खस्स ॥ परचक्क-चरड-चोराइ-विद्दवा दूरमुवगया सव्वे । न फुरंति घूय-पमुहा मेह-च्छन्ने वि दिणनाहे ।। इय तस्स जम्म-दियहे जायाई दिसा-मुहाइं विमलाई। देव-गुरु-वंदणेण धम्मत्थीणं मणाई व ॥ हरिस-जणणो जणाणं सुयणो व्व समीरणो समुल्लसिओ। रय-पसमणं निवडियं गुरूण वयणं व गंधजलं ।। भवणम्मि कुसुम-बुट्ठी सुसामि-तुट्ठि व्व सेवए जाया । कव्व-गुणो व्व सहियए फुरिओ गयणंमि तूर-रखो । एसो परिओस-करो बालत्तणओ वि अमय घडिओ व्व । रयणं व कराओ करं संचरिओ सयल-लोयस्स ॥ संपइ इमस्स चित्तं न रमइ अन्नत्थ वजिउ धम्म । माणस-सरंमि मुत्तुं हंसस्स व पल्लल-जलेसु ।। गुरुणा वृत्तं जुत्तं जं कुणइ इमो चरित्त-पडिवत्ति । जेण सो परमत्थो जणणी-दिट्ठस्स सुविणस्स ॥ गहिऊण वयं अवगाहिऊण नीसेस-सत्थ-परमत्थं । तित्थकरो व्व एसो जणस्स उवयारओ होही ॥ तत्तो इमस्स जणयं चचं नामेण भणह तो तुम्भे । जह चंगदेवमेयं वय-गहणत्थं विसज्जेइ ॥ सो बहु-सिणेह-जुत्तो बहुं पि भणिओ विसज्जइ न पुत्तं । तत्तो पुत्तो वि दढं कउजमो संजम-ग्गहणे ॥ माउलय-अणुमयं गिहिऊण ठाणंतरम्मि संचलिओ । गुण-गुरुणा सह गुरुणा संपत्तो खंभतित्थम्मि ॥ तत्थ पवनो दिक्खं कुणमाणो सयल-संघ-परिओसं । सो सोम-मुहो सोमो व्व सोमचंदो त्ति कयनामो ॥ थेवेण वि कालेण काऊण तवं जिणागमुट्ठि । गंभीरस्स वि सुय-सागरस्स पारंगओ एसो ॥ दूसम-समय-असंभव-गुणोह-कलिओ विभाविउं हियए । सिरिदेवचंद-गुरुणा एसो गणहर-पए ठविओ॥
For Private & Personal Use Only
Jain Education International
www.jainelibrary.org
