________________
हेमचन्द्रस्य वृत्तान्त.
पृष्ठ २०.
सत्त-सुहो सुइ-मुहओ वाइज्जतो समग्ग-लोएण। ठाणय-पगरण-रूवो जस्सऽज वि फुरइ जस-पडहो।। तस्स गुणसेणसूरी सीसो वर-संजमुज्जओ जाओ। जस्स गुणञ्चिय बाणा अंतररिउ-वग्ग-निग्गहणे ॥ सीसो खम-ग्ग-लग्गो तस्सासी देवचंदसूरि त्ति । चंदेण व दिय-राएण जेण आणंदियं भुवणं । कय-सुकय कुमुय-बोहा चउर-बठर-प्पमोय-संजणणी। संतिजिण-चरित्त-कहा जुण्ह व्व वियंभिआ जत्तो ।। जे ठाणएसु ठविया पज्जुन्न-मुणीसरेण धम्म-दुमा । काऊण ताण विवई ते जेण लहाविआ वुडिं॥ जस्स चलणारविंदं चरित्त-लच्छी-विलास-वासहरं । मुणि-भमरेहिँ अमुकं जिणमय-मयरंद-लुद्धेहिं ॥ सो विहरंतो मही-मंडलम्मि खंडिय-पयंड-भावरिऊ । सयल भुवणे-क-बंधू धंधुकयं पुरवरं पत्तो । सो तत्थ पणमण-त्थं समागयाणं जणाण पउराणं । संसारा-सारत्तण-पयासणिं देसणं कुणइ ।। तं सोउं संविग्गो सरीर-सुंदेर-विजिय-सुरकुमरो। एको वणिय-कुमारो कयंजली भणिउमाढत्तो ॥ भयवं ! भवण्णवाओ जम्म-जरा-मरण-लहरि-हीरंतं । मं नित्थारसु सुचारित्त-जाणवत्त-पयाणेण ॥ गुरुणा वुत्तं बालय ! किं नामो कस्स वा सुओ तं सि । तो तस्स माउलेणं पयंपियं नेमिनामेण ॥ ___भयवं ! इह-त्थि हत्थि व्व मोढकुल-विंझ-संभवो भद्दो । कय-देव-गुरु-जणच्चो चच्चो नामा पहाण-त्रणी ॥ निम्मल-कुल-संभूया भूरि-गुणाभरण-भूसिय-सरीरा । तस्स-त्थि गेहिणी चाहिणि त्ति सा होइ मह बहिणी ॥ जीए विमलं सीलं दटुं लजाए चंदमा निचं । चरम-जलहिम्मि मज्जइ कलंक-पक्खालणत्थं व ॥ ताणं तणओ एसो निरुवम-रूको पगिठ्ठ-मइ-विहवो । भुवणु-द्धरण-मणोहर-चिंचइओ चंगदेवो त्ति ।। गब्भा-वयार-समए इमस्स जणणीए सुविणए दिट्ठो। निय-गेहे सहयारो समुग्गओ बुड्रिमणुपत्तो । जा पुष्फ-फला-रंभो तत्तो मुत्तूण मंदिरं मज्झ ।
हेमचन्द्रस्य
वृत्तान्तः।
Jain Education International
For Private & Personal Use Only
www.jainelibrary.org
