Page Text
________________
तृतीयगुणते पुरुषचंद्र - कथा |
अणुमयमिणं ति मुणिओ तीए परितोस- चिंघ - दंसणओ । कारविओ वीवाहो रन्ना सह पुरिसचंदेण || करि तुरय- रयण-भूसण-पहंसुय-पमुह- दाणओ रन्ना । सक्कारिओ कुमारो तीए सह सेवए विसए ॥ मुणिऊण इमं पिउणा नीओ नयरं सगोरवं कुमरो । ठविओ रज्जे गहिया सयं तु दिक्खा गुरु-सगासे ॥ भूवालेहिं निच्चमच्चिज्जमाणो नाएणेसो पालए रज- लच्छि । सच्चं सच्चं होइ तं जंपए जं तत्तो पत्तो सच्चवाइ ति कित्ति ॥
अन्नया विउत्थिओ तस्स पत्थिवो भीमो । तस्सोवरि चलिओ चउरंगचमूचमढियासेस-सेस- चूछा- रयण-चक्को पुरिसचंदो । पत्तो भीम-नयरं । भीमो वि काऊण जंताइ- दुग्ग-सामरिंग निग्गओ नयराओ । पुरिसचंदेण विसमंतओ रोहियं नयरं । बीय- पायारो व्व कओ कुंजर-परिक्खेवो ।
प्रस्ताव: ]
तस्स कडगस्स वाहिं सलिलं तुहं किमेत्थ अच्छेरं । बहुयत्तणेण जलहिं पि सोसिउं तं खमं जम्हा ॥ सिन्नं विसन्नमेयं जल-विरहे तत्थ ठाउमचयंतं । afare सयं चि सत्त - सिन्नमिय हरिसिओ भीमो ॥
पहाणेहिं विन्नत्तो राया - देव ! जलाभावओ इत्थ न तीरए ठाउं, तो संपयं अवक्कमिउमुचियं ति । पुरिसचंदेण वृत्तं मा वच्चह विसायं । इहि चेव भविस्सह वुट्ठी । तओ तक्खणा तूल-लवो व्व लहुओ पाउब्भूओ गयणंगणे घणो । सुयण-सिणेहो व्व सव्वओ वित्थरिओ सो । समरे सुहडु व्व खग्ग- लट्ठि पयट्टो पयासिउं विज्जलेहं । मत्त गओ व्व लग्गो गहिरं गजिउं । सुपुरिसोव्व वित्तं आदत्तो वरिसिउं समंतओ सलिलं । सेन्न- जण-मणोरहे व्व सर - निवहे पय-पूरेण पूरिऊण विरओ । इमं च वइयरं मुणिऊण अमोहवयणो पुरिसचंदोत्ति भीयो भीमो । परिहिय-कंबलो कंठ-कय- कुहाडो उवणीय पहाण पाहुडो पडिवन्नो सेवं । समागओ निय-नयरं पुरिसचंदो । अस्थि य तस्स सोहग्गसुन्दरी - गन्भ-संभवो सुर- कुमारो व्व सयल-लोय - लोयणा
दो सेणो णाम णंदणो । गाहिओ कला-कलावं विसेसओ । सयल-सत्थ-पारगोत्ति पत्तो पसिद्धिं । कुणइ बहूणं सव्वत्थ-संसओच्छेयं । कयाइ भरहरहस्स-वक्खाण-विसए दुण्हं गंधव्वियाण जाओ विवाओ । तन्निष्णए पमाण भूओ कओ कुमारो । समागया दोवि तस्स पासं । मिलिओ वियडू-लोओ ।
Jain Education International
३६९
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |