________________
पट
. कुमारपालप्रतिबोधे .
[चतुर्थः
सो लिहइ सिलोगमिमं गवक्खगे तम्मि अद्ध-लिहियम्मि । पडिया खडिया तत्तो कुमरेण पसारि हत्थं ॥ अप्पसु इमं ति भणियं तो अप्पइ तस्स चित्त-पुत्तलिया। पुन्न-प्पभावओ सा अहिटिया देवयाइ जओ॥ तं धावि-सुया दळूण विम्हिया कहइ नियय-जणणीए। सावि नरिंद-मुयाए कहिउँ पुच्छइ किमेयं ति ॥ सा भणइ राय-पुत्तो स्खु एस आसन्न-रज-लाभो य । अन्नस्स एरिसी नहि पयईइ विणीय-परिणयया ॥ भणियं धावीइ न इत्थ संसओ जं तए वि ससिणेहं । सो सचविओ नहि रमइ कहवि हंसी विणा हंसं ॥ राय-सुयाए भणियं लिहियं किं तेण तो गवेसेउं । धावीए कहियं से बजरियं राय-धूयाए । आसन्नं च फलंतरमिमस्स एवं विहेण लिहणेण । धावी भणइ तुम सो परिणेही किं फलं अन्नं ॥ एवं तकेमि अहं राय-सुया लजिया सपरितोसं। इत्यंतरे वियरिओ मत्त-करी खंभमुक्खणिउं॥ असमंजसमाढत्तो काउं अवगणिय-मिंठ-पडियारो। भंजिउमिमो पयहो कन्नगंतेउरावासं ॥ आउलमणेण रन्ना भणिउं जो सक्कए इमं वेत्तुं । सो गिण्हउ त्ति सोउं गय-पासं आगओ कुमरो॥ सो विज्जुखित्त-करणेण रायहथिम्मि तम्मि आरूढो। बडासणो य गहिऊण अंकुसं तं वसीकुणइ ॥ उवलक्खिऊण केणावि बंदिणा पढियमेत्थ समयम्मि । कुरुचंद्-राय-पुत्तो जयइ कुमारो पुरिसचंदो ॥ दिट्ठो य साहिलासं पुणो पुणो सो नरिद-धूयाए । परितुट्टेण निवेण कओ कुमारस्स सक्कारो॥ धूया भणाविया पत्थिवेण तुह पुत्ति ! एस उचिओ त्ति । हरिस-वियसंत-वयणाइ चिंतियं राय-पुत्तीए ॥ एकं मह मणइट्ठो अन्नं ताएण एस आइहो। तं खलु संपन्नमिणं इह विजोवइदं च ॥
Jain Education International
For Private & Personal Use Only
www.jainelibrary.org
