________________
प्रस्तावः] तृतीयगुणवते पुरुषचंद्र-कथा।
३६७ एस्थंतरे अत्यंगयं गयण-लच्छि-मणि-कुंडलं मत्तंड-मंडलं । वियंभियं भमरमाला-सामलं तिमिर-पडलं । दिट्ठो कुमारेण नाइदूरे कणय-पुंजो व्व जलंतो जलणो । गओ सो तत्थ कोउगेण । पेच्छए धाउं धम्मंते धाउवाइगे। पडउ वसुहार त्ति जंपियं अणेण । तेहिं भणियं सागयं ति । उवविठ्ठो ताण समीवे कुमरो । छूढो तेहिं जोगो सो कुमार-प्पभावेण वंतरेहिं न अवहरिओ त्ति जाया कणग-सिद्धी।
तो धाउवाइगेहिं विचिंतियं सुपुरिसस्स एयस्स । एस पभावो सिद्धं चिराउ जं. कंचणं अन्ज ॥ गिण्हसु इमं ति भणिओ कुमरो कहिऊण तेहिं सन्भावं । तं तेण ताण दिन्नं इमा उदाराण जं पयई॥ तेहिं उदारत्तणओ मुणिओ सो एस राय-पुत्तो त्ति । छन्नोवि परिमलेणं कहिजइ किं न कप्पूरो ॥ तो विन्नत्तो कुमरो इमेहिं अम्हाण देसु ओलग्गं । दिन्ना इमाण सा तेण ते वि उलग्गिरं लग्गा ॥ भणिया कुमरेण इमे इम्हि तुम्हाण किं किलेसेण । सोऊण पुरिसचंदं नरिंदमिजह दुयं तुम्हे ॥ अह सो परिब्भमंतो कमेण कंपिल्लमागओ नयरं । नय-रंजिय-जण-निवहो नराहिवो तस्स नरसीहो । तस्स थि सुया सुर-सुंदरि व्व सोहग्गसुंदरी नाम । रूवाइ-गुणभहिया न खिवइ दिद्धिं पुरिसमेत्ते॥ लोयम्मि पुरिस-विदेसिणी त्ति तत्तो गया पसिद्धि सा । तीइ गवक्ख-ठियाए दिट्ठो कुमरो परिभमंतो॥ पच्चक्ख-कामदेवो इमो त्ति भत्तीइ रायपुत्तीए । तं अचिउं विमुक्का कुवलय-माल व्व निय-दिट्ठी ॥ कुमरेण वि सा दिहा स्वेण रइ व्व विम्हिय-मणेण । तीए भावो धावीइ लक्खिओ संनिहि-ठियाए । को कत्थ व एस ठिओ त्ति जाणणत्थं इमीइ निय-धूया । पट्टविया सोवि ठिओ देवउल-गवक्खगे गंतुं॥
अनीहमानोऽपि बलादेशज्ञोऽपि मानवः । स्वकर्मवातोत्पातेन नीयते तत्र यत्फलम् ॥
Jain Education International
For Private & Personal Use Only
www.jainelibrary.org
