________________
३६६ कुमारपालप्रतिबोधे
[चतुर्थः तीए पडिपुन्न-चंद-सुविणय-सूइओ समुप्पन्नो पुत्तो । कयं रन्ना गरुय-रिडिए वद्धावणयं । सुविणाणुसारेण निम्मियं से पुरिसचंदो त्ति नामं । सो पइदिणं पवड्डमाणो कमेण कय-जणाणंदो चंदो व्व जाओ सयल-कलाकलाव-कुसलो । पत्तो पगरिसं गीय-कलाए । पवन्नो मणुन्न-लावन्न-पुन्नं तारुन्नं । अन्नया पयहो वसंत-समओ।
जस्सि दाहिण-मारुओ पसरए कामानलुद्दीवणो
देहं चच्चइ चंदणेण घुसिणं मुत्तूण इत्थी-यणो । हेमालंकरणो व्व मंजरि-जुओ चूओकरो छज्जए ___ माणं माणवईण कोइल-रवो निव्वासए सव्वओ ॥
तत्थ विसेसुज्जल-नेवत्थ-सच्छाय-काय-च्छवीहिं वयंसएहिं परिगओ गओ कुमारो मणोरमुजाणं । पयट्टो विविह-विणोएहिं कीलिउँ ।
मुत्तुं तरु-कुसुमाई अब्भ-सोरन्भ-वासिय-दियंतं । मुह-पवण-परिमलमणुसरंति भमरा कुमारस्स ॥ अह कोउगेण कुमरो किंनर-सर-सुंदरेण सद्देण । अन्नन्न-वन्न-संदोह-संगयं गायए गीयं ॥ तं गीयं गायंतं दटुं पप्फुल्ल-लोयणो लोओ। मन्नइ अमय-रसेण व सित्तं सव्वंगमप्पाणं ॥ कुमरो मणहर-स्वो गीयं महुर-स्सरेण गायंतो। कस्स न हरेइ चित्तं जहा सुवन्नं च सुरहिं च ॥ तस्स गुण-रयण-निहिणो अणन्न-सरिसेहिं रूव-गीएहिं । रमणीउ विसेसेणं अवहिय-हिययाउ जायाओ॥ तो जत्थ जत्थ कुमरो परिसका तत्थ तत्थ तप्पभिई । परिचत्त-सयल-कजंतराउ तरुणीउ धावंति ॥
इमं असमंजसं दळूण विन्नत्तो नायरएहिं राया-देव ! जइवि निदोसो कुमारो तहवि तग्गुणेहिं हय-हियओ नयर-नारीयणो न सम्मं वट्टेइ । ता तहा कायव्वं देवेण जहा कुमारो भवणभंतरे चेव चिट्ठइ त्ति । तओ रन्ना भणिओ सो-वच्छ ! बाहिं भमंतस्स कलब्भासो न होइ त्ति, गिहे चेव चिट्ठसु तुमं । तहेव तं काउमाढत्तो कुमारो । कयाए कत्तो वि निरोह-निमित्तमत्तणो मुणिऊण सिंहो व्व पंजरत्थो एवं किचिरं चिहिस्सामि त्ति चिंतंतो खग्ग-बीओ निग्गओ नयराओ । परिन्भमंतो पत्तो पारियत्त-विसयं । ठिओ गाम-देउले ।
Jain Education International
For Private & Personal Use Only
www.jainelibrary.org
