________________
प्रस्तावः]
तृतीयगुणव्रते पुरुषचंद्र-कथा। दोस-भुयंग-करंडो अणत्थ-दंडो अणत्थ-दुमसंडो। जं तस्स विरमणत्थं तं वनंति गुण-व्वयं तइयं ॥ तणु-सयण-घराईणं अत्थे जं जंतु-पीडणं दंडो। सो होइ अत्थ-दंडो अणत्थ-दंडो उ विवरीओ॥ पावोवएस-अवज्झाण-हिंस-दाण-प्पमाय-भेएहिं । चउहा अणत्थ-दंडो अणंत-नाणीहिं निहिट्ठो ॥ करिसण-वणिज-हय-वसण-छेय-गोदमण-पमुह-पावाण । जो उवएसो कीरइ परस्स पावोवएसो सो॥ वरिसंतु घणा मा वा, मरंतु रिउणो, अहं निवो होज । सो जिणउ, परो भजउ, एवं चिंतणमवज्झाणं ॥ हल-मुसलुक्खल-सगडग्गि-खग्ग-धणु-बाण-परसु-पमुहाणं। हिंसा-निबंधणाणं समप्पणं हिंसदाणमिणं ॥ जं मज-विसय-विकहाइ-सेवणं पंचहा पमाओ सो। अह व घय-दुड-तेल्लाइ-भायण-च्छायणालस्सं ॥ कय-परपीडमसंबद्ध-भासणं वजरंति मोहरिअं। तं पुण अणत्थ-दंडस्स पढममंगं ति मोत्तव्वं ॥ होइ वयणं सुयंधं महुरो सद्दो तह त्ति जं भणियं । आणं कुणंति तियसावि तस्स जो चयइ मुहरत्तं ॥ वज्जिय-अणत्थ-दंडो खंदो जाओ निवो पुरिस-चंदो ।
मोहरियं काउं किंचि रुद्द-जीवो दुहं पत्तो॥ तं जहा
अत्थि अंग-जणवयावयंस-कप्पा चंपा नयरी । बहु-पोय-वाणियाणीय-रयण लोभेण आगओ जलही। पायार-हय-पवेसो रेहइ परिहा-मिसेण जहिं ॥
तत्थ समुल्लसिय-लोय-लोयणाणंदो कुरुचंदो राया। रिउ-रमणी-आणण-काणणेसु विलसंत-पत्तवल्लीओ। नीयाउ खयं तरवारि-वारिणा जस्स अच्छरियं ॥
तस्स सयलंतेउर-तिलय-कप्पा वप्पा देवी। जीए सरीर-लच्छि नियच्छिउं अत्थि अच्छरिय-भूयं । अच्छंति अच्छराओ समच्छराउ व्व छन्नाओ॥
Jain Education International
For Private & Personal Use Only
www.jainelibrary.org
