________________
३७० . कुमारपालप्रतिबोधे ।
[चतुर्यः दोहि वि निय-निय-पक्खं अक्खिऊण भणिओ कुमरो-कुमार ! सव्व-सत्यपरमत्थ-पारगो तुम, ता छिंद संदेहं । कुमरो वि तासिं जाव निणयं जंपिङ पयहो, ताव कम्म-दोसओ खुद्द-देवयाए कओ कुमारस्स वायावहारो। सो न सक्कए कि पि जंपिउं । हा! किमेयं ति विसन्नो सव्व-लोओ। कराविया रन्ना बहु-प्पयारा मंत-तंताइ-किरिया । कुसामि-सेव व्व सव्वा सा जाया निप्फला। तत्तो राया पलविउं पयहो ।
हा पुत्त ! समत्त-कला-कलाव-कोसल्ल-भूसिय-सरीर !। पत्तोसि देव्व-वसओ कह मूयत्तण-वसणमेयं ॥ अमयं पि जस्स पुरओ न चेय महुरत्तणेण हरइ मणं । तं जायमम्ह दुलहं तुह वयण-विणिग्गयं वयणं ॥ पत्तोसि जय-वडायं अखलिय-पसरेण जेण तुह मज्झे। तं कइया तुह वयणं कय-सवण-सुहं सुणिस्सामो॥ एवमइकते कित्तियम्मि काले समागओ तत्थ । काम-करि-विजय-सिंहो आयरिओ विजयसिंहो त्ति ॥ नाणा-विह-संदेहे जणाण सो हणइ ओहिनाणेण । तं नमणत्थं राया कुमरं घेत्तूण संपत्तो॥ नमिओ गुरुं निविट्ठो पारद्धा धम्म-देसणा गुरुणा। दुत्तर-भव-पारावार-पार-गभणे तरी-तुल्ला । समयम्मि पुच्छइ निवो सेणकुमारेण किं कयं पावं । पुवम्मि भवे भयवं ! पत्तं मूयत्तणं जेण ॥ भणियं गुरुणा-पत्थिव ! इहेव आसी कुमार-गामम्मि । अन्नोन्न-नेह-जुत्ता खंदो रुद्दो अ दो मित्ता ॥ ते अन्न-दिणे दुन्निवि साहूण उवास्सयम्मि संपत्ता । तहिं तेहिं आयन्नियमणत्थदंड-व्वय-सरूवं ॥ तो वेत्तुं सम्मत्तं दोहिं वि गहियं अणत्थदंड-वयं । तं पालिउं अखंडं खंदो मरि गओ सग्गे ॥ अह जायम्मि विवाए दुण्हं पुरिसाण व्व-विसयम्मि । एक्केण कयं उत्तरमन्नेण न सक्कियं काउं॥ तं उद्दिसियं मुहरत्तणेण रुद्देण जंपियं एवं । मूओ इमो वराओ किमुत्तरं सक्कए काउं ॥
Jain Education International
For Private & Personal Use Only
www.jainelibrary.org |
