________________
प्रस्तावः]
३४९
परिग्रहपरिमाणे हरिविक्रम-कथा । ता पिउ-व्वं गिण्हसु तुम इमं तो पयंपए नागो। जइवि मह जणय-व्वं तहावि गेण्हामि नाहमिणं ॥ जं इमिणा गहिएणं खंडिजइ मह परिग्गह-पमाणं । तेण भणिओ वि पुण पुण जाव न गेण्हइ धणं नागो॥ ता रयण-भूसण-धरो तियसो होऊण सो भणइ एवं । तुममेव नाग ! धन्नो पसंसिओ जो सुरिंदेण ॥ नागो जंपइ कह तत्थ मह पसंसाइ अवसरो जाओ। कहियं सुरेण एवं सकस्स सहा-निसन्नस्स ॥ पय-पणमत्थमेको पत्तो तियसो इमस्स सीसाओ। पडियं चूडारयणं तं गहियं अन्न-तियसेण ॥ तो झत्ति कण्हराइए पविसणत्थं पलायमाणो सो। वजेण हओ हरिणा सिरम्मि अन्नायकारि त्ति ॥ तं कदंतं दह मए हरी जंपिओ जइ सुरा वि। लोभ-ग्गहेण गहिया गिण्हंति परस्स रयणाई॥ ता मुत्तूण मुणिंदे नरलोए नत्थि कोवि निल्लोभो । हरिणा भणियं चिट्ठइ सिरिनयरे सावगो नागो ॥ निल्लोभ-चकवही जो सपरिग्गह-पमाण-भंग-भया । तुह संतियं ति भणियं पि ढोइयं गिण्हइ न व्वं ॥ तं सोउं रयणसिहो सुरो अहं तुह परिक्खण-निमित्तं । इत्थागओम्हि हरिणा पसंसिओ भद्द ! तुममेवं ॥ भणियं सुरेण मह कहसु किं पि किचं करेमि जं तुज्झ । नागेण जंपियं भद्द ! नत्थि मह किं पि करणिजं ॥ तियसो गओ सठाणं कालेण स-भारियाइ सह नागो। स-परिग्गह-परिमाणं णिहोसं पालिऊण मओ ॥ सोहम्मे संपत्तो तत्तो चविलं तुमं समुप्पन्नो। नागसिरी तुज्झ पिया जाया नरनाह ! जयलच्छी॥ तो जाय-जाइसरणाइं दोवि जंपति सच्चमेयं ति । संवेग-परिगयाइं पुत्तं ठविऊण निय-रज्जे ॥ सव्वं परिग्गहं वज्जिऊण गेण्हंति दोवि पव्वजं । काऊण तवं तिव्वं गयाइं सग्गं च मोक्खं च ॥
इति परिग्रहपरिमाणे हरिविक्रमकथा ।
Jain Education International
For Private & Personal Use Only
www.jainelibrary.org
