Kumarpal Pratibodh

SR No.: 001873
Original Sutra Author: Somprabhacharya
Author: Jinvijay
Publisher: Central Library
Publication Year: 1920
Total Pages: 564
Language: Prakrit
Classification: Book_Devnagari, Story, & Literature
File Size: 11 MB

Page 422

प्रस्ताव: ]
परिग्रहपरिमाणे हरिविक्रम - कथा |
मुणिडं तुमं अवहिणा इहागयं आगयाहमाणेडं । हरिविक्कम - कुमर ! तओ लहु आरोहसु विमाणमिणं ॥ तो आरूढो कुमरो गयं विमाणं नरिंद-भुवणम्मि । सयल - पहाण - समक्खं ठविओ देवीए सो रज्जे ॥ देवीइ तस्स दिन्नं चूडारयणं अणप्प-माहप्पं । जत्थ सिरत्थे निवडंति मुच्छिया महियले रिउणो ॥ सव्वेहिं विसो नमिओ नयरम्मि महसवो समारडो ।
आहरण-रयण-वुट्ठि काऊण तिरोहिया देवी ॥
नएण रज्जं कुर्णतस्स तस्स अन्नया आगया करहमारूढा दुवे पुरिसा । विन्नत्तो तेहिं राया एगंते-अस्थि निय- विश्व - विहिय सुरपुर-पराजयं जयपुरं नयरं । तत्थ पच्चत्थि - पत्थिव-दुज्जओ जयो राया । तस्स रद्द व्व सुंदरी रहसुंदरी देवी । रज्ज - सुहं सेवंताण ताण लच्छि व कमलच्छी जाया जयलच्छी धूया । तीए जम्म- दिणे कहियं जोइसिएण, जहा - एसा कन्नगा चउन्हं रज्जाणं सामिणो पत्ती होहि त्ति । सा संपयं पवन्ना तारुन्नं । रन्ना अन्न-रज्जलाभत्थिणा सयं चेव सा परिणेउमारडा । विन्नत्तो पहाणेहिं राया - देव ! उभय- लोय- विरुद्धं ति न जुत्तं काउमेयं ति ।
जओ
३४५
जेण कुलक्कमु लंघियह अवजसु पसरह लोइ । तं गुरु-रिद्धि-निबंधणु वि न कुणइ पंडिओ कोइ ॥ ता रज्ज-कारणं पि हु धूय त्ति इमा परस्स दायव्वा । जइ सोवण्णिय छुरिया हंतव्वो किं तओ अप्पा ॥
रन्ना भणिया पहाणा - तहावि अन्नस्स न दायव्वत्ति, विणासेह एयं । तओ तेहिं कया कन्ना पच्छन्ना । कहियं रन्नो विणासिय त्ति । तं जीवंति नाऊण कुडो राया तेसिं । तओ तेहि पेसिया अम्हे तुम्ह पासं, विन्नन्तं च इमं, जहा – एस राया अणायार- परो पर लोग - परम्मुही मह - महुर - विसयासत्तो सत्त-रहिओ हिओवएस पि विसं व मन्नए । तुमं पुण एयविवरीओ रायरिसी । ता जइ एगागी आगच्छसि तो इमं दुरप्पाणं परिचयामो त्ति । रन्ना चिंतियंजुत्तमिणं । जं सामी वि मुक्कमज्जाओ मुचइ त्ति । जं पुण 'जइ एगागी आगच्छसि'त्ति तं किं फलं । हुं नायं, सत्त परिक्खण फलं ति । तओ रज्जसुत्थं काऊण गओ तेहि सह जयपुरं । पडिच्छिओ पहाणेहिं । परिणाविओ पच्छन्नं जय
४४-४५