Page Text
________________
३४४
कुमारपालप्रतिबोधे
[ चतुर्थः संपाडेइ परिग्गहो गिरिनई-पूरो व्व बटुंतओ॥ लोह-परिचत्त-चित्तो जो कुणइ परिग्गहस्स परिमाणं । सो परभवे परिग्गहमपरिमियं लहइ नागो व्व ॥ अत्थि एत्थेव दीवे भारहे वासे कुसुमपुरं नयरं । दढे मज्झट्ठियमत्व-वित्थरं हरिउमुज्जया चोरा ।
फलिह-भवणेसु विरमंति भित्ति-हयमत्थया जत्थ ॥ तत्थ सीहविकमो राया।
जस्स समरम्मि दटुं विमुक्का-कोसं करम्मि करवालं ।
हारिवडिय व्व सहसा कोसं मेल्लंति रिउणो वि ॥ तस्स सयलंतेउर-सारा तारा देवी । तीए गब्भ-संभूओ रुवाइ-गुणेहिं भुवणच्छरिय-भूओ सयल-कला-कलाव-कुलहरं हरिविक्कमो कुमरो। कयाइ वियड्ड-गोट्ठीए ठियस्स तस्स पढियं केणावि
निय-पुन्न-परिक्खाए देस-वेस-भासा-विसेस-विन्नाणं ।
नव-नव-कोउग-दंसणमेगत्त ठियाण न हवंति ॥ इमं सोऊण चिंतियं कुमारेण मए देसंतरं गंतव्वं ति । तओ कस्सवि अकहिऊण रयणीए निग्गओ कुमारो । परिभमंतो पत्तो कंचणउरं । तत्थ पओसे पविसि पयहो । पहरण-पाणि-पाइक्क-परिक्खित्ताई पिहियाइं पओलिदाराई दह्ण नियत्तो पसुत्तो परिसराराम-मज्झे पल्लव-सत्थरे । पहाय-प्पायाए रयणीए पबुद्धो पेच्छए पुरओ गयणंगणे अणप्प-मणि-देप्पमाणं विमाणं । तम्मज्झ-गयाए गरुडारूढाए कणयावदाय-देहाए चक्क-दिवि-डिक्किय-कराए देवयाए भणिओ सो-भो कुमार ! आरोहसु विमाणमेयं । तुहाणयणत्थमेत्थागया अहं । तेण तं पणामऊण कयंजलिणा जंपियं-देवि ! का तुमं, कत्थ किमत्थं वा नेसि मं? । देवयाए भणियं-कुमार ! अस्थि एसा विसाल-साला विसाला नयरी। तत्थ इक्वागु-कुल-कमल-मूरो सूरो राया। तस्साहं कुलदेवया चक्केसरी । सो राया संपयं अपुत्तो पत्तो पर-लोयं । तस्स गोत्तिया रज्जत्थिणो पयट्टा कलहिउं, अणिया पहाणेहिं-भो ! किं कुल-क्खयं कुणह । अचेमो चक्केसरि-कुल-देवयं । सा जं भणिस्सइ सो राया होहि त्ति । तहेव तेहिं कए वुत्ता मए गुत्तिया-नत्थि तुम्ह रज-जुग्गया।
जं पुरिसमहं रजे ठावेमि करेह तस्स पय-सेवं । रज्जं पुण पाविजइ पुन्नेहिं पुराणुचिन्नेहिं ॥
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |