________________
पृष्ठ १७.
यशोभद्रसूरिवर्णनम् । धूम-भरेण घण-मंडलेण मलिणी-कयं गगणं ।। नव-मेह-पिययमेणं समप्पियं जत्थ तडि-लया-लोयं । कणयमयाभरणं पिव पयडंति दिसा-पुरंधीओ ॥ नव-पाउस-नरवइ-रज्ज-घोसणा-डिंडिमो ब्व सव्वत्थ । जग्गविय-विसम-बाणो वियंभिओ मेह-गजिरवो ॥ निवडंति माणिणी-माण-खंडणे विलसमाण-सत्तीओ। जस्सि जल धाराओ अणंग-सर-धोरणीउ व्व ।। तस्सि चरि-खित्तेसुं नरवइणा वावियाई धन्नाई। तेसिं दसण-हेउं कयावि राया विणिक्खंतो ॥ तम्मि समए करिसगेहिं धन्न-मज्झाओ पुव्वमुवखणिउं । पुंजी-कएसु निप्फल-तणेसु पज्जालिओ जलणो ॥ तत्थ जलणेण डझंत-विग्गहं गब्भ-निब्भरं भुयगि । दटुं संविग्गेणं रन्ना परिभावियं एयं ।। अहह इमो घरवासो परिहरणिज्जो विवेयवंताणं । बहु-जीव-विणास-करा आरंभा जत्थ कीरंति ॥
पृष्ठ १८.
एवं संविग्ग-मणो राया निय-मंदिरम्मि संपत्तो। हक्कारिऊण पुच्छइ एगते सावयं एगं ॥ संपइ सिरि-दत्तगुरू गुणवंतो कत्थ विहरइ पएसे । सो कहइ डिंडुयाणय-पुरम्मि मुणिपुंगवो अस्थि ॥ तो राया रयणीए कस्स वि अनिवेइऊण निक्खंतो । तुरयंमि समारुहिऊण डिंडुयाणय-पुरे पत्तो॥ सिरि-दत्तगुरुं नमिऊण तस्स कहिऊण नियय-वुत्तंतं । जंपइ संपइ काउं अणुग्गहं देहि मह दिक्खं ॥ गुरुणा बुत्तं जुत्तं उत्तम-सत्तस्स तुज्झ नर-नाह !। रज्जं तणं व मुत्तुं करेसि जं संजम-गहणं ।। नहि संजमाउ अन्नो संसारुच्छेय-कारणं अस्थि । नव-जलहरं विणा किं निव्वडइ दवानलं को वि ॥ रन्ना अणप्पमुल्लं एवं एक्कावलिं समप्पेउं । जिणधम्म-निम्मल-मणा पयंपिआ सावया एवं ।। कारवह जिणाययणं इमीए एकावलीइ मुल्लेण । तेहि वि तह त्ति पडिवजिऊण तं झत्ति कारवियं ॥ तं अत्थि तत्थ अन्ज वि चउवीस-जिणालयं जिणाययणं ।
Jain Education International
For Private & Personal Use Only
www.jainelibrary.org
