________________
पृष्ठ ७
कुमारपालप्रतिबोध-सङ्केपः । मोक्ख-तरु-बीय-भूयं सम्मत्तं आयरंति परे ॥ अह अन्नया निसाए सज्झाय-झुणिं मुणीण सोऊण । जसभह-निवो संवेग-परिगओ चिंतए चित्ते ॥ धन्ना एए मुणिणो काउंजे सव्व-संग-परिहारं । पर-लोय-मग्गमेक्कं मुक्क-भवासा पयंपंति ॥ ता एयाण मुणीणं पय-पउम-नमंसणेण अप्पाणं । परिगलिय-पाव-पंकं पहाय-समए करिस्सामि ॥ एवं धम्म-मणोरह-कलिय-मणो पत्थिवो लहइ निदं । मंगल-तूर-रवेणं पडिबुद्धो पच्छिमे जामे ॥ कय-सयल-गोस-किच्चो समत्त-सामंत-मंति-परियरिओ। करि-तुरय-रह-समेओ पत्तो सिरिदत्त-गुरु-पासे ।। भूमि-निहिउत्तमंगो भत्ति-समग्गो गुरुं पणमिऊण । पुरओ निवो निविट्ठो कयंजली भणिउमाढत्तो॥ भयवं ! धन्ना तुब्भे संसारासारयं मणे धरिलं । जे चत्त-सव्व-संगा पर-लोयाराहणं कुणह ॥ अम्हारिसा अहन्ना परलोय-परंमुहा महारंभा । अनियत्त-विसय-तण्हा जे इह-भव-मेत्त-पडिबद्धा ॥ अह जंपिउं पवत्तो सिरिदत्तगुरू नहंगणं सयलं । तव-सिरि-मुत्ता-पंतीहिं दंत-कंतीहिं धवलंतो ॥ मुह-ससि-पवेस-सुविणोवमाइ दुलहं नरत्तणं लहिउं । खणमेकं पि पमाओ बुहेण धम्मे न कायव्यो।
(मूलदेवकथानकमत्रानुसन्धेयम्।) इय धम्म-देसणाऽमय-रसेण सेत्तम्मि भूमिणाहस्स । हिययम्मि समुल्लसिओ जिणिंद-धम्माणुराय-दुमो ॥ भणियं निवेण भयवं ! कहियमिणं उभय-भव-हियं तुमए । अन्नो पिओ वि सव्वो जंपइ इह-भव-हियं चेव ॥ ता समयम्मि विमुत्तुं तणं व रजं विवेय-गिरि-वजं । पडिवजिऊण धम्मं सहलं काहं मणुय-जम्मं ॥ ता वंदिउं मुणिंदं निय-मंदिरमागओ महीनाहो। धम्मोवएस-विसरं सुमरंतो गमइ दियहाई ॥ अह पावसो पयट्टो संपाडिय-पहिय-हियय-संघट्टो । समरट्ट-मारनट्टो कयंब-संदट्ठ अलिवट्टो॥ जत्थ विरहग्गि-डझंत-विरहिणी-हियय-लद्ध-पसरेण ।
Jain Education International
For Private & Personal Use Only
www.jainelibrary.org
