Page Text
________________
पृष्ठ ६.
कुमारपालस्य धर्मस्वरूपजिज्ञासा । कुमारपालस्य अह अन्नया वियड़े बहुणो बहु-धम्म-सस्थ-नाणड़े । धर्मस्वरूप- विप्पपहाणे हक्कारिऊण रन्ना भणियमेवं ।। जिज्ञासा करि-तुरय-रह-समिद्धं नरिंद-सिरि-कुसुम-लीढ-पयवीढं ।
लंघिय-वसण-सहस्सो संपत्तो जं अहं रजं ॥ तं पुव्व-भवे धम्मो सुहेक्क-हेऊ कओ मए को वि । कजस्स दसणाओ जाणंति हि कारणं निउणा ॥ ता धम्मस्स सरूवं कहेहि परिभाविऊण सत्थत्थं । जेण तमायरिऊणं करेमि मणुयत्तणं सहलं ।। मणुयत्तणे वि लद्धे कुणंति धम्मं न जे विमूढ-मणा । ते रोहणं पि पत्ता महग्घ-रयणं न गिण्हंति ॥ तो वुड-बंभणेहिं निवस्स वेयाइ-सत्थ-पन्नत्तो । पसु-वह-पहाण-जागाइ-लक्खणो अक्खिओ धम्मो ॥ तं सोऊण निवेणं फुरिय-विवेएण चिंतियं चित्ते । अहह दिय-पुंगवेहिं न सोहणो साहिओ धम्मो ॥ पंचिंदिय-जीव-वहो निक्करुण-मणेहिं कीरए जत्थ । जइ सो वि होज धम्मो नत्थि अहम्मो तओ को वि ।। ता धम्मस्स सरूवं जहट्टियं किं इमे न जाणंति ?।
किं वा जाणंता वि हु मं विप्पा विप्पयारंति ॥ वाग्भटदेवेन कु- इय चिंताए निदं अलहंतो निसि-भरम्मि नरनाहो । मारपालस्य हेम- नमिऊण अमच्चेणं बाहडदेवेण विन्नत्तो॥ चन्द्रसूरिपरिच- धम्माधम्म-सरूवं नरिंद ! जइ जाणिउं तुमं महसि । योत्पादनम् । खणमेकमेगचित्तो निसुणसु जं किं पि जंपेमि ॥ हेमचन्द्रस्य गुरु- आसि भम-रहिओ पुन्नतल्ल-गुरु-गच्छ-दुम-कुसुम-गुच्छो। परम्परावर्णनम्। समय-मयरंद-सारो सिरिदत्तगुरू सुरहि-सालो ॥
सो विहिणा विहरंतो गामागर-नगर-भूसियं वसुहं । वागड-विसय-वयंसे रयणपुरे पुर-वरे पत्तो ॥ तत्थ निवो जसभद्दो भद्द-गयंदो व्व दाण-लद्ध-जसो। वेरि-करि-दलण-सूरो उन्नय-वंसो विसाल-करो ॥ तम्मि नरिंद-मंदिर-अदूर-देसम्मि गिहिउं वसहिं । चंदो व्व तारय-जुओ मुणि-परियरिओ ठिओ एसो ॥ तस्स सुहा-रस-सारणि-सहोयरं धम्म-देसणं सोउं । संवेग-वासिय-मणा के वि पवज्जति पव्वजं ॥ अन्ने गिहत्थ-धम्मोचिआइं बारस-वयाई गिण्हंति ।
Jain Education International
For Private & Personal Use Only
www.jainelibrary.org
| SR No. | 001873 |
| Book Title | Kumarpal Pratibodh |
| Original Sutra Author | Somprabhacharya |
| Author | Jinvijay |
| Publisher | Central Library |
| Publication Year | 1920 |
| Total Pages | 564 |
| Language | Prakrit |
| Classification | Book_Devnagari, Story, & Literature |
| File Size | 11 MB |