________________
कुमारपालवंश-
वर्णनम् ।
कुमारपालप्रतिबोध-सङ्केपः । जेण तुरएहिं जगझंपणु त्ति कित्ती जए पत्ता ।। तत्तो दुल्लहराओ राया समरंगणंमि जस्स करे । करवालो छज्जइ जय-सिरीइ मयणाहि-तिलओ व्व ॥ तत्तो भीमनरिंदो भीमो व्व पयंड-बाहु-बल-भीमो । अरि-चक्कं अक्कमिउं पायडिओ जेण पंडु-जसो ॥ तो कण्णदेव-निवई जस्सासि-जलंमि विलसिया सुइरं । जस-रायहंस-सहिया जय-लच्छी रायहंसी व्व ॥ तयणु जयसिंहदेवो पयंड-भुय-दंड-मंडवे जस्स । कित्ति-पयाव-मिसेणं चिर-कालं कीलियं मिहुणं ॥ तम्मि गए सुर-लोयं काउं व सुरेसरेण सह मित्तिं । कमल-वणं व दिणिंदे अत्थमिए मउलियं भुवणं ॥ तत्तो पहाण पुरिसा निय-मइ-माहप्प-विजिय-सुर-गुरुणो। रज्जमणाहं दळू जंपंति परुप्परं एवं ॥
आसि सिरि-भीमदेवस्स नंदणो जणिय-जण-मणाणंदो। कय-सयल-खोणि-खेमो नामेणं खेमराउ त्ति ।। तस्स तणओ तिणीकय-कंदप्पो देह-सुंदरत्तेण । देवप्पसाय-नामो देव-पसायण-पहाण-मणो । तस्संगरुहो गरुओ पर-रमणि-परंमुहो महासूरो । तियस-सरि-सरिस-कित्ती तिहुयणपालो त्ति नामेण ॥ तस्स सुओ तेयस्सी पसन्न-वयणो सुरिंद-सम-रूवो। देव-गुरु-पूयण-परो परोवयारुजओ धीरो॥ दक्खो दक्खिन्न-निही नयवंतो सव्व-सत्त-संजुत्तो । सूरो चाई पडिवन्न-वच्छलो कुमरवालो त्ति । एसो जुग्गो रजस्स रज्जलक्खण-सणाह-सव्वंगो। ता झत्ति ठविजउ निग्गुणेहिं पज्जत्तमन्नेहिं । एवं परुप्परं मंतिऊण तह गिहिऊण संवायं । सामुद्दिय-मोहुत्तिय-साउणिय-नेमित्तिय-नराणं ।। रज्जमि परिठ्ठविओ कुमारवालो पहाण-पुरिसेहिं । तत्तो भुवणमसेसं परिओस-परं व संजायं ॥ तुट्ट-हार-दंतुरिय-घरंगण नच्चिय-चारु-विलास-पणंगण । निब्भर-सह-भरिय भुवणंतर वज्जिय-मंगल-तूर-निरंतर ॥ साहिय-दिसा-चउक्को चउ-व्विहोवाय-धरिय-चउ-वन्नो। चउ-बग्ग-सेवण-परो कुमर-नरिंदो कुणइ रज्जं ।।
Jain Education International
For Private & Personal Use Only
www.jainelibrary.org
