________________
अणहिल्लपुर पाट- कवर्णनम् ।
अणहिल्लपुर पाटकवर्णनम् । बहु-भक्ख-जुयाइ वि रसवईए मज्झाओ किंचि भुंजतो । निय-इच्छा-अणुरूवं पुरिसो कि होइ वयणिज्नो ॥
अस्थि मही-महिलाए मुहं महंतं मयंक-पडिबिम्बं । जबुद्दीव-छलेणं नहलच्छि दट्ठमुन्नमियं ॥ तुंगो नासा-वंसो व्व सोहए तियस-पव्वओ जत्थ । सीया-सीओयाओं दीहा दिट्ठीओ व सहति ॥ तत्थारोविय-गुण-धणु-निभं नलार्ड व भारहं अस्थि । जत्थ विरायइ विउलो वेयडो रयय-पट्टो व्व ।। जं गंग-सिंधु-सरिया-मुत्तिय-सरियाहिसंगयं सहइ । तीर-वण-पंति-कुंतल-कलाव-रेहंत-पेरंतं ॥ तत्थत्थि तिलय-तुल्लं अणहिलवाडय-पुरं घण-सुवन्नं । पेरंत-मुत्तियावलि-समो सहइ जत्थ सिय-सालो ॥ गरुओ गुज्जर-देसो नगरागर-गाम-गोउलाइन्नो। सुर-लोय-रिद्धि-मय-विजय-पंडिओ मंडिओ जेण ।। जम्मि निरंतर-सुर-भवण-पडिम-ण्हवणंबु-पूर-सित्त व्व । सहला मणोरह-दुमा धम्मिय-लोयस्स जायंति ॥ जत्थ सहति सुवन्ना कंचण-कलसा य सुर-घर-सिरेसु । गयण-ब्भम-खिन्न-निसण्ण-खयर-तरुणीण पीण-थणा ।। अब्भंलिह-सुर-मंदिर-सिर-विलसिर-कणय-केयण-भुएहिं । नच्चइ व जत्थ लच्छी सुट्ठाण-निवेस-हरिस-वसा ।। जत्थ मणि-भवण-भित्तीसु पेच्छिउं अत्तणो वि पडिबिंबं । पडिजुवइ-संकिरीओ कुप्पंति पिएसु मुद्धाओ ॥ जम्मि महा-पुरिसाणं धण-दाणं निरुवमं निएऊण । अजहत्थ-नामओ लज्जिओ व्व दूरं गओ धणओ ॥ जस्सि समच्छरमणा जलासया न उण धम्मिय-समूहा। कमलोवकारया सूर-रस्सिणो न उण सप्पुरिसा ॥ जत्थ रमणीण रूवं रमणिज पेच्छिऊण अमरीओ। लज्जंतीओ व चिंताइ कह वि निदं न पार्वति ॥
तत्थासि मूलराओ राया चोलुक्क कुल-नह-मयंको । जणिया जणाणुकूला मूलेण व जेण नीइ-लया ॥ जस-पुंडरीय-मण्डल-मंडिय-बंभंड-मंडवो तत्तो। खंडिय-विपक्ख-मुंडो चंडो चामुंडराय-निवो॥ तत्तो वल्लहराओ राया रइवल्लहो व्व रमणिज्जो ।
पृष्ट ४.
चौलुक्यवंशीयन- पवर्णनम् ।
Jain Education International
For Private & Personal Use Only
www.jainelibrary.org
