________________
३३४
कुमारपालप्रतिबोधे
[ चतुर्थः
कत्तो वि अकम्हा आगय त्ति तह अत्थि खंडथालमिह । तं पुण तह चेव ठियं समारिडं तीरइ न जम्हा ॥ दत्तण कन्नवटि समप्पिडं जंपिओ इमो भद्द !। एएण समारिजसु घडइ त्ति समारियं तेण ॥ संजाय-कोउगो संभमेण संखायणो भणइ दत्तं । . भयवं ! कहसु किमेयं जहटियं साहए एसो ॥ एवमिणंति पवजइ एसो जाणइ य सयण-संबंधं । तो भणइ मज्झ भइणि परिणेउं भुंज निय-रिद्धि । दत्तो जंपइ भोगा भुयंग-भोग व्व जे मए मुक्का ।
पत्थेमि पुणवि संपइ अमूढ-सन्नो कहं तेऽहं॥ तथा
अवश्यं यातारश्चिरतरमुषित्वापि विषया
वियोगे को भेदस्त्यजति न जनो यत् स्वयममून् । व्रजन्तः स्वातन्त्र्यादतुलपरितापाय मनसः
स्वयं त्यक्त्वा ह्यते शमसुखमनन्तं विदधति ॥ इय सोउं पडिबुडो दिक्खं संखायणो वि पडिवन्नो। कय-तिव्व-तवा मरिऊण दोवि सग्गं सिवं च गयां ॥ जं पुव्व-भवे संखायणस्स दत्तण वित्तमवलवियं । तो दत्त-गिहाओ गयं परत्थ संखायणस्स गिहं ॥ .
इति अस्तेयव्रते दत्त-संखायण-कथा ।
जं निय-निय-भंगेहिं दिव्वाणं माणुसाण तिरियाणं । परदाराणं विरमणमणुव्वयं बिंति तं तुरियं ॥ चउ-विह-कसाय-मुक्को चउ-गइ-संसार-भमण-निविण्णो। जो धरइ चउत्थ-वयं सो लहइ चउत्थ-पुरिसत्थं ॥ निव्वडिय सुहड भावाण ताण को वहउ एत्थ समसीहिं। परि-रमणि-संकर्ड निवडिया विन मुयंति जे मेरं ॥ इणमेव धम्म-बीयं इणमेव विवेय-कणय-कसवहो । इणमेव दुक्करं जं कीरइ परदार-विरइ-वयं ॥
यः पालयति नियाज परस्त्रीविरतिव्रतम् । परत्रेह च स श्रेयः पुरंदर इवाश्नुते ॥
Jain Education International
For Private & Personal Use Only
www.jainelibrary.org
