________________
३३२
कुमारपालप्रतिबोधे
पाविड्डी पाविज्जइ फलेण पावस्स पुव्व-विहियस्स । पावेण भाविणा वा इत्थत्थे सुणसु दितं ॥
पढम
इह आसि वसंतपुरे परोप्परं नेह - निव्भरा मित्ता । खत्तिय माहण- वाणिय-सुवण्णयार ति चत्तारि ॥ ते अत्थ विढवणत्थं चलिया देसंतरं निय- पुराओ । पत्ता परिभमंता भूमिपइम्मि नयरम्मि | रयणी तस्स बाहिं उज्जाणे तरुतलम्मि पासुत्ता। - पहरम्मि चिट्ठइ जग्गंतो खत्तिओ तत्थ ॥ पेच्छइ तरु- साहाए पलंबमाणं सुवण्ण- पुरिसं सो । विम्हिय-मणेण भणियं अणेण सो एस अत्थोति ॥ कणय- पुरिसेण संलत्तमत्थि अत्थो परं अणत्थ-जुओ । तो खत्तिएण वृत्तं जइ एवं ता अलं अम्ह ॥ बीए जामे जग्गेइ माहणो सोवि पिच्छइ तहेव । तइयम्मि वाणिओ तं दट्ठूण न लुग्भए तम्मि ॥ जग्गइ चउत्थजामे सुवण्णयारो सुवण्ण - पुरिसं तं । दहूण विहिय-मणो भाइ इमं एस अत्थो त्ति ॥ पुरिसेण जंपियं एस अस्थि अत्थो परं अणत्थ- जुओ । जंपइ सुवण्णयारो न होइ अत्थो अणत्थ-जुओ ॥ पुरिसो जंपइ तो किं पडामि ?, पडसु त्ति जंपइ कलाओ । पडिओ सुवण्ण- पुरिसो छिंदह सो अंगुलिं तस्स ॥ खड्डाए पक्खित्तो सुवण्ण-पुरिसो सुवण्णयारेण । गोसम्म पत्थिया ते सुवण्णयारेण तो भणिया ॥ किं देनंतर - भ्रमण अत्थि एत्थवि इमो कणय- पुरिसो । खड्डाइ मए खितो तं गिण्हह विभजिरं सव्वे ॥ तो सव्वेवि नियत्ता अंगुलि-कणगेण भत्तमाणेउं । वणिओ सुवण्णयारो य दोवि पत्ता नयर- मज्झे ॥ चितियमिमेहिं हणिमो खत्तिय-माहण-सुए उवाएण । अम्हं चिय दोन्हं जेण होइ एसो कणय- पुरिसो ॥ भुत्तूण सयं मज्झे समागया गहिय - कुसुम - तंबोला । वत्तिय माहण- जुग्गं विस मिस्सं भोगणं वेत्तुं ॥
Jain Education International
For Private & Personal Use Only
[ चतुर्थ:
www.jainelibrary.org
