________________
३३०.
कुमारपालप्रतिबोधे
तत्थोत्तर-महुराए समिद्धदत्त त्ति वाणिओ अस्थि । सो विश्व - विढवणत्थं दक्खिण महुरं कयाइ गओ ॥ तस्स तहिं विविह कयाणगाण कय- विक्कए कुर्णतस्स । जाओ असोगद तेण वाणिएणं सह सिणेहो ॥ तस्स थिरीकरणत्थं दोहिं पि कओ इमेहिं संकेओ । एक्स्स ओ धूयं परेण परिणावियच्वो त्ति ॥ कइवय- दिणाई ठाउं समिडदत्तो गओ नियय-नयरिं । संखायणस्स जीवो कमेण जाओ सुओ तस्स ॥ दत्तस्स पुणो जीवो असोगदत्तस्स नंदणो जाओ । भविव्वयाई तेसिं विहियाई पुव्व-नामाई ॥ कय- उचिय- कला - गहणा कमेण ते दोवि जुव्वणं पत्ता । संखायणस्स भगिणी जाया दत्तस्स सा दिन्ना ॥ इय कित्ति विकाले गयम्मि अकयम्मि चेव वीवाहे । ताण पियरो विवन्ना ते च्चिय घर- सामिणो जाया ॥ तत्थत्थि कुबेरस्स व गरुओ दत्तस्स रिद्धि-वित्वारो । सो तं सयमुवभुंजइ जहोचियं देइ अन्नेसिं ॥ अन्न- दिणम्मि निविट्ठो पहाणत्थं मणिमयम्मि सो पीढे । चत्तारि उवट्ठविया कलसा कंचणमया तस्स ॥ तह चउरो रुप्पमया तंबमया मिस्मया य पत्तेयं । एवं न्हाणोवगरणमन्नं पि इमस्स साइसयं ॥ तं हविण विमुको तत्थेक्को उड्डिओ कणय- कलसो । एवं चउरो वि गया एवं चिय रूपियाई वि ॥ हाणोवगरणमन्नं पिजं महत्थं तमुडियं एवं । अह दत्तो भुत्तमणो. भोयण-सालाइ संपत्तो ॥ तस्स पुरो ठेवियाई कंचण - कच्चोल-रुष्प-थालाई । दिन्ना सुवन्न थाली दव्वी पमुहेहिँ आहारो ॥ भुत्तस्स तस्स सव्वं पि थाल- कच्चोल- पमुहमुड्डीणं । थालस्स कन्न - वट्टी धरिया कुड्डेण दत्तेण ॥ तित्तियमेत्तं खंडं दत्तस्स करे ठियं तओ एसो । अहह अउव्वं विहि-विलसियं ति चिताउरो जाओ ||
Jain Education International
For Private & Personal Use Only
[ चतुर्थ:
www.jainelibrary.org
