________________
३१४
कुमारपालप्रतिबोधे
[चतुः तीए कयाइ पुत्तो विविहोवाइय-सएहिं संजाओ। रना वडावणयं कारवियं गरुय-रिद्धीए॥ तम्मि पुरे आसि पुरा महंतमसिवं इमम्मि पुण जाए। तं उवसंतं तत्तो सिवो त्ति नामं इमस्स कयं ॥ कणय-गिरि-कंदराए सो चंपय-पायवो व्व निविग्छ । बुढेि गओ कमेणं सयलाउ कलाउ सिक्खविओ ॥ सो पत्तो तारुन्नं ता रुन्नं तं अपावमाणीहिं। धुवममरीहिं चिरंतण-अमर-परिग्गह-विसन्नाहिं ॥ तं चिअ पेच्छइ तं चेव थुणइ तं चेव आलिहइ चित्ते । चित्ते तं चिय चिंतइ तरुणि-यणो मयण-वसवत्ती ॥ तस्स भमिरस्स दंसण-सतण्ह-तरुणीण सहइ वयणेहिं। गयणं गवक्ख-निक्खंतएहिं ससि-लक्ख-निचियं व ॥ अह अन्नया कुमारे सहा-निसन्नम्मि पणमिउं राया। पडिहारेण उरत्थल-फुरंत-हारेण विन्नत्तो॥
देव ! दुवारे दुवे देव-दसणाशिलासिणो तावस-कुमारया चिति । रन्ना वुत्तं-सिग्धं पवेसेहि । ते पवेसिया पडिहारेण । उचिय-पडिवत्ति-पुव्वं निवेसिया आसणेसु । पुच्छिया रन्ना-अवि सपरिवारस्स कुसलं कुलवइणो ? । निव्विग्घं निव्वहइ तवोकम्मं ? । केण वा कजेण निय-पय-पंकएहिं तुन्भेहिं पवित्तियं ठाणमेयं ति । तेहिं भणियं-चउरासम-गुरुणो महारायस्स पभावेण सव्वत्थ कुसलं । केवलं
कत्तो वि आसम-पए संपत्तो अत्थि करिवरो एक्को। जो वित्थिन्न-समुन्नय-कुंभत्थल-तुलिय-गिरि-सिहरो॥ सव्वंग-लक्खण-धरो दीह-करो दसण-दलिय-दुम-विसरो। दुव्वार-गइ-प्पसरो मय-गंध-भमंत-भमर-भरो॥
सोमहाराय-जोग्गं हत्थि-रयणं अन्नं च किंचि आसम-दुमाणं विहवं करेइ त्ति पेसिया अम्हे कुलवइणा । रन्ना भणियं-महंतो अणुग्गहो कओ अम्हं ति विसज्जिया तावसा। पत्थिओ हत्थि-गहणत्थं पत्थिवो । इत्थंतरे विनतो सिवकुमारेण, देह मम आएसं जेणाहमेव गहिऊण तं आणेमि। रन्ना दिन्नो आएसो। नियत्तो सयं राया। चलिओ तुरंगमारूढो कइवय-पहाण-जण-परिवारो कुमारो। पत्तो तमुद्देसं । दिट्ठो अणेण महि-वलय-गयगंधमसहंतो सग्गाओ समागओ
Jain Education International
For Private & Personal Use Only
www.jainelibrary.org
