________________
३१५
प्रस्तावः] स्थूलप्राणातिपातविरतौ सिवकुमार-कथा । सुरगउ व्व गयवरो। मुत्तूण तुरंगं अग्गओ होऊण हकिओ सो कुमारेण । धाविओ तयभिमुहं । संविल्लिऊण पुरओ पक्खित्तमुत्तरिलं अणेण । परिणओ तत्थ हत्थी। कुमारो वि दंत-मुसलेसु दाऊण चलणे चडिओ हत्थि-खंचे। बडमासणं अणेण अप्फालिओ कुंभत्थले करी करयलेण । एत्यंतरे परियणस्स पेच्छंतस्स चेव उप्पइओ हर-गल-गवल-सामले गयणगणे । गओ अगोयरं नयणाण । पत्तो खणेण वेयड्ड-पव्वयं । ठिओ तत्थ तरुण-तरुसंड-मंडिउजाण-मज्झ-भागे । सो य कुंजर-रूवं मुत्तूण जाओ फुरत-मणि-कुंडलो विज्जाहरो।
नमिऊण तेण भणियं कुमार ! कंकेल्लि-तरु-तले एत्थ । वीसमसु खणं एक जाव अहं कणयपुर-पहुणो॥ पवणंजयस्स खयरेसरस्स साहेमि तुम्ह आगमणं । इय जंपिऊण पत्तो खयरो अह चिंतए कुमरो॥ हरिओम्हि किं इमिणा खयरेण किंवा इमीइ चिंताए। देव्वं चेय पमाणं जणाण सुह-दुक्ख-संजणणे ॥ पिच्छामि ताव संपइ पगाम-रमणिजमेयमुजाणं । तो वियरंतो पत्तो तमाल-तरु-मंडवं कुमरो ॥ सोऊण तत्थ इत्थी-संलावं पेच्छए लयंतरिओ। कुसुम-सयणिज-संठियमिकं कन्नं सही-सहियं ॥ तो चिंतए कुमारो का वि इमा कमल-दल-विसालच्छी। विरह-दसाइ उदग्गं कस्सवि साहेइ सोहग्गं ॥
इमीइ मुह-पंकयं कय-समत्त-नेत्तूसवं, ___ कलंक-परिवज्जियं पुलइओ ससी लजिओ। विसेस-ससिरीययं समुवलडुकामो धुवं,
करेइ अइदुक्करं हर-नडाल-वह्निच्चयं ॥ अह कन्नाए भणियं-सहि भूयलए गिहं विमुत्तूण । उजाणमागयाहं महु-समय-विसेस-सिसिरमिणं ॥ कुसुमाउहेण सुलहेहिं कुसुम-बाणेहिं भिजमाणाए ।
मह उजाणं एयं पि पजलंतं व पडिहाइ ॥ तथाहिजालाहिं पिव मंजरीहिं हिययं दूमंति भूय-हुमा,
Jain Education International
For Private & Personal Use Only
www.jainelibrary.org
