________________
३०७
प्रस्तावः ]
भावनायां जयवर्म-विजयवर्म-कथा । धुवमिह ठविउं टउयं इमीइ पुट्टम्हि कुक्कुड-सरुवं । ता जह अलियं एवं मुणइ इमो तह भणामि त्ति ॥ तो जंपइ टउया-टच्चकेण सहि ! जग्गियाहमेत्ताहे। चवला जंपइ सहि ! जग्गियाहमेयस्स को अत्थो॥ चंडा भणइ मए सहि ! सुविणो दिवो इमो न उण सच्चं । इय तव्वयणं सोउं जाया चवला विलक्ख-मणा ॥ जागरण टउया-टचकेण तो जह कयाइ संभवइ । मोक्खो वि कयाइ तहा जीवाण विणा चरित्तेण ॥ जे सिद्धा जे सिज्झंति जंतुणो सिजिहंति जे के वि । ताण सुह-भाव-जुत्तं निमित्तमेकं चिय चरित्तं ॥ इय धम्म-देसणाए संविग्गा दो वि राय-जुवराया। चारित्तं चित्तुमणा नमिऊण गुरुं गया गेहं ॥ जयवम्म-नरिंदेणं भणिओ लहु-बंधवो विजयवम्मो । वच्छ ! कमागयमेयं रजं पडिवज तुममिहि ।। सुणिऊण गुरु-समीवे परिणइ-विरसं विसं व विसय-सुहं । कम्म-गिरि-दलण-वजं पवज्जमहं तु गिण्हिस्सं ॥ भणियं जुवराएणं अहं पि दुव्वार-दुक्ख-पसराओ। संसार-चारयाओ निविण्णो संजमं काहं॥ रन्ना भणियं एत्तिय-दिणाई रजं कयं मए वच्छ !। नमिर-नर-नाह-निवहं तुमं पि तं संपयं कुणसु॥ सुय-संकामिय-रज्जो तुमं पि गिहिज्ज संजमं पच्छा। समयंमि कीरमाणं सव्वं पि हु सोहए जम्हा ॥ वजरइ विजयवम्मो रज काऊण संजमं काहं । जइ देज कहवि तुट्टो मरण-विलंबक्खराइं जमो ॥ अहमज्ज करेमि इमं कल्लं काहामि पुण इमं किचं । इय को मंतइ मइमं तरंग-खण-भंगुरे जीए ॥ लहिऊण दुल्लहमिणं कहिं पि चिंतामणिं व मणुयत्तं । विसय-पमाय-परवसो न निष्फलं निग्गमिस्सामि ॥ रजं गल-रज्जुं पि व भोगे भुयगे व्व बंधणं व धणं । पासं व गेहवासं मुत्तुं दिक्खं गहिस्सामि ॥ तो रन्ना बजरियं-जइ एवं गिण्ह ता तुमं दिक्खं ।
Jain Education International
For Private & Personal Use Only
www.jainelibrary.org
