________________
प्रस्तावः
३०५
भावनायां जयवर्म-विजयवर्म-कथा । अणुवत्तिय-नय-धम्मो आजम्म-परोवयार-कय-कम्मो । मयरडओ व्व रम्मो नर-नाहो तत्थ जयवम्मो॥ समरम्मि जो समग्गे विपक्ख-वग्गे पलायमाणम्मि । संमुहमप्पाणं चिय पिच्छइ करवाल-संकंतं ॥ मुड-हसिएण जीए हसियं व जयम्मि लजियं अमयं । अप्पाणं न पयासइ जयावली तस्स सा देवी ॥ तस्सासी जुवराओ सहोयरो विजयवम्म-नामो त्ति। तस्स सुमइ त्ति मंती विसिट्ठ-मइ-विजिय-सुर-मंती ॥ अन्न-समयम्मि सूरी जुगंधरो नाम आगओ तत्थ । चंदो व्व तारएहिं बहूहिं साहूहिं परियरिओ॥ नयरुजाणम्मि ठिओ नमणत्थं तस्स राय-जुवराया। सामंत-मंति-कलिया दोवि गया गयवरारूढा ॥ भू-मिलिय-निडाल-यला दो वि गुरुं वंदिऊण उवविठ्ठा । भव-निव्वेय-पहाणा पारडा देसणा गुरुणा । भो ! भो! भव्वा दुव्वार-दुक्ख-संदोह-सलिल-संपुण्णं । जम्म-जरा-मरण-समुल्लसंत-कल्लोल-दुल्लंघं ॥ कोह-वडवग्गि-दुग्गं मोह-मेहावत्त-भीसण-सरूवं । माण-गिरि-दुरवगाहं गुरु-माया-वल्लि-परिणद्धं ॥ धण-मुच्छ-मच्छ-रिंछोलि-संकुलं पाव-पंक-पडिहत्थं । रागोरग-संरुद्धं विविहामय-मयर-दुप्पेच्छं ॥ अणवरय-पडंत-महंत-आवया-सय-सहस्स-संकिण्णं । दुद्धर-विसय-पिवासुच्छलंत-वेला-पसर-विस ॥ तरिऊण भव-समुहं जइ वंछह मोक्ख-पारमुवलहुं । ता पडिवजह चारित्त-पवहणं पवर-गुण-कलियं ॥ अह भणह सुमइ-मंती-भयवं ! चारित्तमेन जीवाणं । निव्वाण-लाभ-हेउ त्ति निच्छओ वट्टए न इमो॥ जं मरुदेवी सिद्धा अकय-चरित्ता वि भावणा वसओ। कम्म-खए निमित्तं तत्तो सुह-भावण चेय ॥ तो गुरुणा वागरियं अणेग-जम्मेसु सुकय-जोगेण । अणुचिण्ण-चरित्ताणं कमेण सुह-भावणा होइ ॥
३९
Jain Education International
For Private & Personal Use Only
www.jainelibrary.org
