________________
३०४
कुमारपाल प्रतिबोधे
जह वंसग्गे चडिओ तहेव सो खवग-सेढीए ॥ सुह-भावणानलेणं दहिउं नीसेस घाइ - कम्म-वर्ण । पयडिय - लोयालोयं सो पावइ केवलं नाणं ॥ सो देवया - समप्पिय लिंगो सुर-कय-सरोरुह - निसन्नो । राय - मुह-सहाए धम्मं वागरिउमाढत्तो ॥ चिंतामणि व दुलहं लहिउं मणुयत्तणाइ- सामरिंग । परिहरह विसय सुक्खं किंपाग फलं व मुह-महुरं ॥ पडिवजह चारित्तं थेवं पि पमाय - चेट्ठियं चयह । पाविरसह अन्न-भवे विडंबणं अन्नह अहं व ॥ रन्ना भणियं - पुव्वं कओ पमाओ मुणिंद ! को तुमए ? | का वा विडंबणा पावियत्ति, तो केवली कहइ ॥ अहमासि वसंतपुरे छक्कम्म- कओजमो पवर-विप्पो । मह माहणी य भज्जा कय-गुरु-लज्जा विणय-सज्जा ॥ अम्हे अणुरत्ताई परोप्परं पालिऊण गिहवासं । गुरु-पासे पडिबुद्धा दोवि दिक्खं पवन्नाई || मज्झ मणे नावगओ नेहो सुत्तत्थ-लीण-मइणो वि । मह भज्जाए य कओ जाइमओ किं पि निय-चित्ते ॥ गुरु-पुरओ तमणालोइऊण दुन्नि वि गयाई सुर- लोयं । तत्तो चुओ य जाओ एसोऽहं तुम्ह पच्चक्खो ॥ जाइ-मएणं जाया एसा सा हीण-जाइ-नड-धूया । तन्नेणं एवं विडंबणमहं पि संपत्तो ॥ तं सोउं नड-धूया राया देवी य भावणा-वसओ । पाविति केवल - सिरिं कमेण सव्वाणि सिज्झति ॥ इति भावनायामिलापुत्र-कथा |
विसएस पट्टो विहु पुरिसो वेरग्ग-भावणा-वसओ । अपयहो दट्ठव्वो दिठ्ठतो भाउणो दुन्नि || तं जहा
इत्थेव भरहवासे अत्थि पुरं रयणसंचयं नाम । कमलवणं व सहइ जं रमणी रमणिज- वयणेहिं ॥
Jain Education International
For Private & Personal Use Only
[ तृतीय:
www.jainelibrary.org
