________________
प्रस्तावः]
भावनायामिलापुत्र-कथा । जं वच्छ ! वंछसि इमं अकुलीणं मणहरं पि तमजुत्तं । चंडाल-कूव-सलिलं सिट्ठो सिसिरंमि किं पियइ ॥ अह भणइ इलापुत्तो-अहं पि जाणामि ताय ! सव्वमिणं । किं तु तहिं अणुरत्तं न तरामि निवारित्रं चित्तं ॥ अपि चण्डानिलोडूततरङ्गस्य महोदधेः । शक्येत प्रसरो रोडुं नानुरक्तस्य चेतसः ॥ सो जिवियक्खणु अक्खियइ छजइ सोजि छ इल्लु। उप्पह-पट्टिओ पंहि ठवइ चित्तु जु नेह गहिल्लु ॥ पावेमि जइ न एयं तो पाणा निक्खमंति मह नूणं । हा ! विहि-वसेण वसणे पडिओम्हि करेमि किं ताय ! ? ॥ इय पुत्त-निच्छयं मुणिऊणं जणएण लंखओ भणिओ। कणएण समं तुलिउं सुयस्स मे देहि निय-धूयं ॥ तो लंखएण भणियं जइ तुज्झ सुयस्स कजमेयाए। ता मिलउ अम्ह एसो सुवन्न-अवय-निही जमिमा ॥ जणएण कहियमेयं सोऊण विचिंतए इलापुत्तो। हा ! मज्झ कए जणएण ववसियं जण-विरुद्धं पि॥ विहि-वसओ संपत्तं अपत्त-दाणं व निष्फलं तं पि । ता किं करेमि ठाउं खणं पि न खमो विणा तीए॥ इय चिंतिऊण एसो अगणिय-पिउ-माइ-मित्त-उवएसो।
वजिअ-कुलाभिमाणो लंखय-नड-पेडए मिलिओ॥ जओविसमाउह-बाण-पहार-जजरे माणुसस्स मण-कलसे। ठाइ कहं निक्खित्तं थेवं पि परोवएस-पयं ॥ उद्दाम-काम-कामल-विद्दविय-विवेय-चक्खुणो मणुया । खुप्पंति मग्ग-चुका अकिच्च-पंकमि किं चोजं ॥ तं भणइ नडो निउणा सिप्पे नहाइयम्मि मह धूया। वच्छ ! तुमं तु अनिउणो तुम्ह तओ अणुचिओ जोगो॥ ता सिक्ख तुमं नहाइ-सिप्पमह सिक्विउं पयहो सो । न हि कुणंति किमकिचं तरुणी-वस-वत्तिणो मणुआ ॥ पन्न-गुण-संपन्नो खिप्पं सिप्पम्मि तम्मि संजाओ।
Jain Education International
For Private & Personal Use Only
www.jainelibrary.org
