________________
कुमारपालप्रतिबोधे
[तृतीयः लेप्प-घडिओ व्व पत्थरमओ व्व सो निचलो जाओ। सेउ-वियंभिओ सो जलं व दाउं कुलाभिमाणस्स । उल्लसिओ पाव-दुमंकुर-प्पवंचो घुरोमंचो॥ काहं कहं अकजं ति सज्झसेणं च पसरिओ कंपो। लज्जाइ पाडिसिद्धीइ नूण से चेयणा नहा ॥ तं तयवत्थं दटुं भणंति पर-चित्त-लक्खगा मित्ता। जाया महई वेला वयंस ! इह आगयणम्ह ॥ काहं ति जणणि-जणया तुह अधिइं तेण मंदिरं जामो। वणमिणमवाय-बहुलं ति नेह जुजइ चिरं ठाउं ॥ इय पन्नविओ वि इमो तग्गय-चित्तो न जंपए किं पि । तो घेत्तूण भुएहिं नीओ मित्तेहिं पिइ-गेहं ॥ तत्थ वि सयणिज-गओ विमुक्क-उण्हुण्ह-दीह-नीसासो। परिचत्त-निच्च-किच्चो चिट्टइ तं चेव चिंतंतो॥ तुच्छ-जले मच्छरस व तस्सारइ-परिगयस्स वुत्तंतं । पिउणो कहंति मित्ता नड-धूया-दंसण-प्पभिई ॥ तं सोउं सो वजाहओ व्व सहसा विसायमावन्नो । वाह-जल-सरिय-नयणो स-प्पणयं जंपए पुत्तं ॥ उत्तम कुलम्मि जाओ वच्छ ! तुमं, तुह मणोहरा मुत्ती। तुज्झ विसुद्धा बुद्धी सत्य-रहस्सं तए पढियं ॥ जुत्ताजुत्त-विमरिसं न खमो काउं विणा तुमं अन्नो।
ता कत्तो जायमिणं तुह गुण-विवरीयमायरणं ॥ तहा
जेण कुलं कलुसिजइ सुयणा खिज्जति उल्लसंति खला। कंठ-गय-जीविया वि हु सप्पुरिसा आयरंति न तं॥ मुणिऊण इमं राया काही सव्वस्स-निग्ग मज्झ । लजिस्सए गुरुयणो कओ कुपत्ते किलेसो त्ति ॥ संभाविस्संति तुम अकुलीणं नयर-सिद्विणो नूणं । निय-पंति-बाहिरं मं सयण-गणा पुण करिस्संति ॥ ता निरूवम-रूवाणं लायन्नामय-समुद्द-लहरीणं । वच्छ ! कुल-कनगाणं कर-गहणं कारविस्सामि ॥
Jain Education International
For Private & Personal Use Only
www.jainelibrary.org
