________________
प्रस्ताव: ]
भावनायामिला पुत्र - कथा |
चोज्जं अमय-फलोवममवच्च मुह दंसणं एक्कं ॥ तत्थस्थि इला - देवी तीए उवाइयं कयमणेहिं । जइ अम्ह सुओ होही ता तुह भक्तिं करिस्सामो ॥ तुह चिंतियं च नामं दाहामो तस्स, तो सुओ जाओ । तु-मणेहिं अहिं इलाइ पूया कया महई || पासु पाडिओ सो भणिओ नामेण तह इलापुत्तो । निव्वग्धं वहतो संजाओ अट्ठ-वारिसिओ ॥ जणएण कलायरियस्स अप्पिरं कारिओ कला- गहणं । अह रमणी-माणमडप्प-मोडणं जुव्वणं पत्तो ॥ तह वि रमइ रमणीसुं न मणं पि इमो मुणि व्व उवसंतो । जणणि जणएहिं तत्तो खित्तो दुल्ललिय-गोडीए ॥ अह संपत्तो सरओ उल्लासिय-रायहंस- हरिस-रओ । पसरिय- ताम-रस- रओ अविवेय-जणग्घविय-सरओ ॥ निसि - निम्मल - तारय-संगयस्स गयणस्स पाडिसिडीए । वियसिय- कुमुय जुयाई जम्मि सराई विरायंति ॥ कलुति अपिज्जंतं पुव्वं सत्यं ति जम्मि पिज्जंतं । सव्वो वि होइ सत्यो पिओ त्ति लोयाण कहइ जलं ॥ मलिणा वि घणा खित्तेसु वरिसिउं जम्मि उज्जला जाया । खित्तेसु रिडि-दाणं विसुडि-हेउ ति जंपति ॥
वासासु आसि हरिसो सिहीण हंसाण जम्मि संजाओ । सासूए केवि दिणा केवि बहूइ त्ति पयडेइ ॥ सारस-मिहुण- घणत्थल- मणोहरा वियसमाण-कमल-मुही । पसरंत-कास- हासा जम्मि वियंभइ भुवण - लच्छी ॥ तम्मि सरए स-मित्तो पहिट्ठ-चित्तो गओ इलापुत्तो । नंदण-वणाभिरामे आरामे कीलण निमित्तं ॥ दिट्ठा तत्थ अणेणं रह व्व रूवेण मणहरा तरुणी । लंखय - नडस्स कन्ना नच्चंती विविह भंगीहिं || तं पेच्छतो सो पर वसो त्तिविद्धो सरेहिं मयणेण । जं असमत्थो पुरिसो पहरेइ परं छलं लहिउं ॥ अह थंभिओ व्व सहसा टंकुक्किनो व्व चित्त-लिहिओ व्व ।
Jain Education International
For Private & Personal Use Only
२९९
www.jainelibrary.org
