________________
प्रस्ताव:
1
भावनार्या शाल- महाशाल - कथा |
ता देहस्स किसतं पणत्तं वा मुणीण अपमाणं । किं तु सुह-झाणमेक्कं निव्वाण-निबंधणं बिंति ॥ गोयम - भणियं एत्थ - संगयं पुंडरीय अज्झयणं । frost एक्क-वारेण धणय-सामाणिओ देवा ॥ वेसमणो उण नमिऊण गोअमं गिव्हिऊण सम्मत्तं । संपत्त-ति-जय-रज्जो व्व रंजिओ जाइ निय-हाणं ॥ इय देसणाइ गमिण गोयमो रयणिमुत्तरह जाब । अट्ठा वयाउ पेच्छति तावसा ताव तं तुट्ठा ॥ जंपति पणमिडं ते महरिसि ! तव लच्छि - कुल-भवण ! अम्हे । तुह सीसा होहामो तुमं तु अम्हाण होसु गुरु ॥ तो गोयमो पपइ सव्वन्नू मह गुरू महावीरो । सोचिअ सुरासुरच्चिय-चलणो तुम्हं पि होउ गुरू ॥ पुणरुत्त- पत्थण-परे दिक्खइ तावस-गणे गणहरिंदो । तेसिं समप्पियं देवयाइ सव्वं पि मुणि-लिंगं ॥ जूहाहिवो व्व कलहेहिं तेहिं सह गोयमो पहु- समीवे । चलिओ गओ य गामं भिक्खा-काले भणइ एए ॥ किं तुम्ह पारण कए मण- इट्ठ कहह जेण आणेमि । ते पायसं ति जंपति विम्हओ फुल्ल-मुह-कमला ॥ तं एग-कुक्खि- पूरण- पमाणमाणइ पडिग्गहे काउं । लद्धि-समिद्धो भयवं जंपइ मुणिणो निविसह त्ति ॥ अम्हाण पारणं एत्तिएण नणु पायसेण किं होही । तहवि गुरू जं जंपड़ तं कायव्वं ति चिंतंता ॥ ते सव्वेव निविट्ठा अक्खीणमहाणसाह लद्धीए । जेमाविऊण सव्वे सयं च पच्छा जिमइ भयवं ॥ अह अम्हेहिं पत्तो देवो परमेसरो महावीरो । जणय- समो एस गुरू धम्मो य भवन्नव - तरंडो ॥ ता कयपुन्ना अम्हे त्ति भावयंताण भुंजमाणाण । सेवाल - भक्खगाणं संजायं केवलन्नाणं ॥ दिन्नाईणं नियडे गयाण पहु- पाडिहेर - दंसणओ । कोडिन्नाईणं पुण पहु-पिच्छणओ तमुपपन्नं ॥
૧૮
Jain Education International
For Private & Personal Use Only
२९७
www.jainelibrary.org
