________________
प्रस्तावः ]
२९५
भावनायां शाल-महाशाल-कथा । खंडिय-विपक्ख-मुंडो जुवराओ कंडरीओ ति॥ अह तत्थ नलिण-वण-काणणम्मि गुणिणो समागया मुणिणो । ताण समीवे धम्मं सुणंति ते राय-जुवराया ॥ वेरग्ग-मग्ग-लग्गो सगिहं गंतूण पुंडरीय-नियो। जुवराय-कंडरीयं मंति-समक्खं इमं भणइ ॥ वच्छ ! कमागयमेयं गिण्हसु रजं अहं तु भय-भीओ। भव-दुक्ख-लक्ख-खंडण-दक्खं दिक्खं गहिस्सामि ॥ तो भणइ कंडरीओ-किं भव-कूवम्मि खिवसि मं नाह !। तुममेव कुणसु रजं अहं तु काहामि पवजं ॥ भणियं रन्ना-रेहइ धम्मो वि कमेण वच्छ ! कीरंतो। कुमरेण जंपियं-देव ! नत्थि मरणस्स को वि कमो ॥ तो भणइ पुंडरीओ जइ वि इमं तहवि जुव्वणं विसमं । कामो जएक्क-वामो निरग्गलो इंदियग्गामो॥ दुपरिचओ पमाओ परीसहा दुस्सहा चलं चित्तं । हुयवह-जाला-पाणं व दुक्करं वच्छ ! चारित्तं ॥ ता सावय-धम्मं चिय पवजिओ रज-पालणं कुणम् । पडिवन्न- अनिव्वहणं उभय-भव-दुहावहं जम्हा ॥ वजरइ कंडरीओ सच्चमिणं तहवि नाह ! निय-वयणं । कीरइ किमन्नहा तो चित्तव्वा निच्छयं दिक्ग्वा ॥ इय भणिउं पव्वइओ कुमरो राया उ भावओ साहू । गेहम्मि ठिओ मंतीहिं वारिओ दिक्ख-गहणाओ॥ तो कुणइ कंडरीओ चिरं तवं निच्चमंग-निरवेक्खं । दस-विह-सामायारिं पालइ मुणि-वल्लहो होइ ॥ अह अन्नया वसंते वियंभिए भुवण-खोह-संजणणे । चारित्त-मोह-वसओ चलइ मणं कंडरीयस्स ॥ सो चिंतेइ अलं मे पवजाए किलेस-बहुलाए। गंतुं करेमि रजं जं मह निय-बंधुणा दिन्नं ॥ तो पत्तो पुंडरिगिणि-नयरीए सो ठिओ य उजाणे । उवगरणं ठविउं तरु-लयाइ हरियम्मि उवविट्ठो॥ सो अप्पाणं रन्नो जाणावह वण-निउत्त-पुरिसाओ।
Jain Education International
For Private & Personal Use Only
www.jainelibrary.org
