________________
२९३
प्रस्तावः ]
भावनायां शाल-महाशाल-कथा । साल-महासाला दो वि तस्स पत्ता पणमणत्थं ॥ तरिऊण भव-समुदं धम्म-तरंडेण लहह मोक्ख-तडं । इय वीरजिणेसर-देसणाइ ते दो वि पडिबुडा ॥ सालेण महासालो रज पडिवजसु त्ति भणिओ वि । जाव न तं गिण्हइ ताव गागली भाइणिज्जो त्ति ॥ जसवइ-पिठरय-पुत्तो ठविओ रजम्मि गरुय-रिद्धीए। साल-महासालेहिं गहिया दिक्खा जिण-समीवे ॥ समयंतरम्मि सामी विहरंतो आगओ पुरिं चंपं । सह साल-महासालेहिं गोयमो पहु-अणुन्नाओ ॥ पत्तो य पिट्ठचंपं कंचण-कमल-
डिओ कहइ धम्म । सोऊण गागली तं पडिबुद्धो जणणि-जणय-जुओ॥ ठविऊण सुयं रज्जे गिण्हइ दिक्खं पिऊहिं परियरिओ। पंचहि वि तेहिं कलिओ चलिओ गोयम-गुरू चंपं ॥ ताण जिण-वंदणत्थं वच्चंताणं पहम्मि पंचण्हं । सुभ-भावणा-पराणं उप्पन्नं केवलं नाणं ॥ सव्वे वि गया चंपं कमेण ति-पयाहिणं तिते सामि। वंदेह इंदभूई इयरे पंच वि गया परिसं॥ ते भणइ गोयमो एह सामिणं वंदह त्ति तो सामी। तं जंपइ मा गोयम ! केवलि-आसायणं कुणसु॥ खामेइ गोयमो ते विसन्न-चित्तो य चिंतए एवं । लहिऊण केवलमहं किं सिज्झिस्सामि एत्थ भवे ॥ पुव्वं जिणेण कहियं मणुओ अट्ठावयम्मि जो चडि । चउवीस-जिणे नमिही सो सिज्झिस्सइ इहेव भवे ॥ तं जपंते तियसे मुणिलं अट्ठावयं गिरिं गंतुं । वंछेइ गोयमो वंदणत्थमरहंत-पडिमाणं ॥ तावस-पडिबोहं जाणिऊण सो भयवया अणुन्नाओ। चारण-लद्धि-बलेणं पवणो व्व खणेण तं पत्तो ॥ एत्तो य मोक्ख-हेउं सोउं अहावयंसमारुहिउँ । तिन्नि पयहा कोडिन्न-दिन्न-सेवाल-कुलवइणो ॥ पढमो चउत्थ-पारणय-अद्द-कंदाइ-भोयणो निचं । पंच-सय-तावस-जुओ आरूढो मेहलं पढमं ॥
Jain Education International
For Private & Personal Use Only
www.jainelibrary.org
