________________
२९२ .
कुमारपालप्रतिबोधे
[तृतीयः पुच्छइ सेणिय-राओ वागरणं नाह ! कहमिणं दुविहं । भणइ जिणो सो तइया दुम्मुह-दुव्वयण-सवणेण ॥ पसरिय-पुत्त-ममत्तो रुद्दज्झाणं महंतमारूढो। बद्ध-घण-असुह-कम्मो सत्तम-नरयारिहो आसि ॥ तइ वंदिलं अवगए मंतीहिं समं मणेण जुज्झंतो। तुद्देसु पहरणेसुं मुणिउं सन्नद्धमप्पाणं॥ निहणामि सिरत्ताणेण दुट्ठ-सचिवे इमे त्ति चिंतंतो। तग्गहणत्थं हत्थेण मत्थयं सो परामुसइ ।। तं लुचियं फुसंतो सुमरइ पडिवन्न-दिक्खमप्पाणं । तो चिंतइ घिडी में रुद्दज्झाणाणुबद्ध-मणं ॥ किं मज्झ तेण पुत्तेणं किं च मंतीहिं चत्त-संगस्स !। इय चिंतंतो पुरओ ठियं व मं वंदिऊण इमो ॥ आलोइय-पडिकंतो पसत्थ-झाणेण खविय-कम्म-भरो। सव्व-सिद्ध-जुग्गो पसन्नचंदो मुणी जाओ। इय जंपिऊण विरए विरजिणे सेणिओ गयण-मग्गे । दटुं सुर-संपायं स-विम्हओ पुच्छए सामि ॥ भयवं ! सुर-संपाओ किं एसो नह-यले ? भणइ सामी। जायं पसन्नचंदस्स संपयं केवलं नाणं ॥ इय जिण-वयणं सुणिउं स-देव-मणुयासुरा मुणइ परिसा । सुगइ-कुगईण हेऊ सुहासुहा भावणा चेय ॥
इति भावनायां प्रसन्नचन्द्र-कथा।
सुह-भावणा-वसेणं संजाया खविय-घाइ-कम्माण ।
केवल-नाणुप्पत्ती साल-महासाल-पमुहाण ॥ तं जहा
इत्यत्थि पिट्टचंपा-नयरी पर-चक-भय-अकय-कंपा। मय-लंछणो ससि चिय सुरु चिय जत्थ कर-चंडो॥ तत्थ नय-नियर-सालो सालो राया विसाल-बल-साली । नामेण महासालो सहोयरो तस्स जुवराओ॥ अह तत्थ समोसरिओ सुर-पुंगव-सेविओ महावीरो।
Jain Education International
For Private & Personal Use Only
www.jainelibrary.org
