________________
प्रस्तावः ]
भावनायां प्रसन्नचन्द्र-कथा ।
२९१
बीएण पुणो भणियं-पसन्नचंदो नराहिवो एसो। एयस्स नत्थि धम्मो विहलं तिव्वं पि तव-कम्मं ॥ बालो पुत्तो रजम्मि ठाविओ जो अणेण सो इण्हि । मोयाविजइ रजं अरीण मिलिऊण मंतीहिं । मंतीणं ताण रज्जं समप्पियं रक्खणत्थमेएण । ते भक्खंति खला तं लुद्धा दुई व मज्जारा ।। बाले हयम्मि पुत्ते होही एयस्स बंस-विद्धंसो। अंतेउरं अणाहं इमं विणा कं दसं लहिही ॥ ता एसो पाव-निही न हीण-चरिओ धुवं अदट्टव्यो । एवं सोउं चलियं पसन्नचंदस्स सुहझाणं ॥ सो चिंतिउं पवत्तो-अहो ! अणजा कुमंतिणो एए। मह पुत्तस्स विहडिया बहुसो सम्माणिया वि मए ॥ जइ तत्थ अहं हुंतो तेसिं वीसत्थ-घायगाण तओ। अणुसासणं करंतो नव-नव-निग्गह-पयारेहिं ॥ इय कलुस-ज्झाण-परो रायरिसी रोस-रक्खसारूढो । पेक्खइ पुत्त-विवक्खे ते पच्चक्खे व दुरमच्चे ॥ पुव्वं पिव ते समरे मणसा........ ... ........। एत्थंतरम्मि राया समागओ सेणिओ तत्थ ॥ तं झाण-निचलं पिक्खिऊण राया फुरंत-परिओसो । उत्तरिऊण करिंदाओ वंदए महि-निहित्त-सिरो॥ तव-सामत्थमउव्वं पसन्नचंदस्स इय विचिंतंतो। राया गंतुं परिचत्त-रायचिंधो नमइ नाहं ।। सो परिसाइ निसन्नो समए पुच्छइ जया मए नाह!। नमिओ पसन्नचंदो करिज जइ सो तया कालं॥ का तस्स गइ हुजा वीरजिणो भणइ तम्मि समयम्मि । सो कालं कुणमाणो सत्तम-नरयम्मि गच्छिज ॥ सरलासओ नरिंदो चिंतइ मुणिणो कहं निरय-गमणं ?। ता न मए सुटु सुर्य खणंतरे पुच्छए पुणवि ॥ भयवं! पसन्नचंदो करेइ जइ संपयं कहवि कालं । तो कत्थ वच्चइ ?; जिणो जंपइ सब्वहसिडम्मि ।
Jain Education International
For Private & Personal Use Only
www.jainelibrary.org
