________________
२९०
- कुमारपालप्रतिबोधे
[ तृतीयः
तो दुन्निवि महरिसिणा ते दिट्ठा पुच्छिया कुसल-वत्तं । ते बिंति अम्ह कुसलं सव्वत्थ तुह प्पसाएण॥ तं अणपेक्खिजंतं तावस-भंडं खु केरिसं जायं । इय चिंतंतो पत्तो वक्कलचीरी उडव-मज्झे ॥ तावस-भंडं वत्थंचलेण पडिलेहए सयं ठवियं । सो पायकेसरीए जइ व्व पत्ताइ-उवगरणं ॥ पुव्वं कहिं पि करणं कयं मए एरिसं ति चिंतंतो। सो जाय-जाइसरणो सामन्नं सरइ पुव्व-कयं ॥ विस-दारुणेसु विसएसु हा! कहं मुच्छिओम्हि मूढ त्ति । पसरिय-सुह-भावो बीय-सुक-ज्झाणं अइकंतो॥ वक्कलचीरी चूरिय-मोह-बलो झत्ति केवली जाओ। जणयस्स बंधवरस य जहट्टियं कहइ सो धम्मं ॥ अम्हाण मुक्ख-मग्गो मुह तए दंसिओ त्ति जपता। तं देवया-समप्पिय-लिंगं ते दो वि पणमंति॥ तम्मि समयम्मि पोयण-पुर-आसन्ने मणोरमुजाणे । सयल-तइलुक्क-पुज्जो वीरजिणिंदो समोसरिओ । पत्तेयबुद्ध-समणो वक्कलचीरी पवन्न-जिणधम्म । निय-जणयमप्पिडं जिणवरस्स विहरेड अन्नत्थ। गंतुं पसन्नचंदो पोयणपुरमुल्लसंत-वेरग्गो। बालं पि सुयं रजे ठवित्रं पडिवजए दिक्खं ॥ सो अहिगय-सुत्तत्थो कमेण दुक्कर-तवचरण-निरओ। वीरजिणिदेण समं समागओ रायगिह-नयरं ॥ सामिस्स वंदणत्थं विणिग्गओ सेणिओ सपरिवारो। तस्स पुण अग्गसेन्ने संति दुवे सुमुह-दुम्मुहा ॥ एग-चलणे पइट्टिय-मूसिय-भुय-जुयलमचल-थिर-कायं । रवि-बिंब-निहिय-नयणं एग पेच्छंति ते समणं ॥ एकेण तत्थ भणियं-अहो ! महप्पा मुणी इमो को वि। सयल-जण-वंदणिज्जो जो एवं कुणइ तिव्व-तवं ॥ चिटेज एग-चलणेण को रवि को खणं पि पेक्खेज । एयस्स सग्ग-मोक्खा दुक्करकारिस्स हत्थ-गया ॥
Jain Education International
For Private & Personal Use Only
www.jainelibrary.org
