________________
प्रस्तावः]
भावनायां प्रसन्नचन्द्र-कथा ।
२८९
सो होइ किंचि सत्थो सुय-विरहे तह वि तस्स महरिसिणो। अच्चंत-रोअणाओ कमेण अंधत्तणं जायं ॥ अन्नेहिं तावसेहिं कयाणुकंपेहिं पारण-दिनेसु । विहिय-फल-संविभागो तत्थेव वणे वसइ एसो॥ बारसम् वच्छरेसुं गएसु कइयावि अडरत्तम्मि । कुमरो वक्कलचीरी पडिबुद्धो चिंतए एवं ॥ जम्म-समए वि माया मज्झ मया तो महाकिलेसेण । परिपालिओम्हि पिउणा पवन्न-तावस-वएणावि ॥ निचं कडि-चडिएणं पिउणो तव-चरण-पीडियंगस्स । कह कयं मए निवडियस्स पण्हि-प्पहार-समं ॥ पचुवयार-समत्थो जाओऽहं जाव जुव्वणारूढो। विहि-वसओ इह पत्तो पावो अजिइंदिओ ताव ॥ इय चिंतिऊण कुमरो निवई विन्नवइ देव ! मह चित्तं । ताय-चलणारविंदं दटुं उत्कंठियं बाढं ॥ राया भणइ ममावि हु अच्चंतं ताय-दसणे बंछा। तो दोवि गया तत्थासमम्मि ते राय-जुवराया ॥ कुमरो जंपइ दट्टण आसमं मह तणं व रज-सिरी । ताई इमाइँ सराइँ रमिओ हंसो व्व जत्थाहं ॥ फल-भक्खणं जहिच्छं कयं मए जाण ते इमे रुक्खा। एए ते हरिणा भायर व्व मह खेल्लण-सहाया ॥ मह दुद्ध-पाण-पवणाउ ता इमा मायरो व्व महिसीओ। रज्जे वि मज्झ कत्तो पिउ-सुस्सूसा कहं तु इमं ॥ ते आसमं पविट्ठा तुट्टा दट्टण सोमचंद-रिसिं । जंपइ पसन्नचंदो ताय ! तुमं नमइ जेट्ट-सुओ॥ पिउणा पसन्नचंदो सव्वंगं पाणिणा परामुट्ठो। पुत्तय ! निरामओसि त्ति जंपमाणेण महरिसिणा ॥ कुमरो जंपइ एसो वकलचीरी तुमं नमइ ताय!। सो रिसिणा सव्वंगं तुट्टेणालिंगिओ गाढं ॥ नयणेसु तया रिसिणो वाह-जलं पसरियं सिणेहेण । तं चेय तस्स अंधत्त-विगम-परमोसहं जायं ॥
Jain Education International
For Private & Personal Use Only
www.jainelibrary.org
